[عاشق الاحزان]

مرت وطرف العين يلمح زعلها
يتبع خطاها لين ولت خجوله
حارت جيوش النفس تخفي غزلها
لو ماستحي لاهد شعري واقوله
راحت وفي روحي حنين" ذهلها
شوق" ذبحني يوم راحت عجوله
ودي بنظره ترتوي من نهلها
ويعيش ورد" مات واعلن ذبوله
ولحظة غياب الشمس قلبي سألها
هو قاصي المزيون والا نطوله
قالت على الله خل نفسك املها
عله تعلق فيك واصبحت حوله
وجتني على الميعاد تخفي خجلها
شفت الغرام بعينها في مثوله
راحت وانا من خلف موتر حملها
من وقت خذها لين حزة وصوله
اقفت ضحوكه لاعبه من جهلها
تلعب وتتذكر سنين الطفوله
قلت انسحب مادام حبي وصلها
كان النصيب يريد لازم ننوله
واقفيت مابالقلب ساكن بدلها
تسكن بقصر القلب عرضه وطوله
يمكن يجود الحظ لامن فعلها
وتصير لي فالحب مولى ودوله
أو في طريق الصعب يمشي سهلها
حتى يحين البعد لاجا رسوله