°•.♥.•° برياني ♥عيشة♥ ولا أرررررررروع °•.♥.•°
السلام عليكم ورحمة الله وبركاتة
رح أقدم لكم برررررررررررياني أن شاء الله يعجبكم
يمي يمي
أول شي تنقعي الرز وتحطي علية شوية ملح عشان حبيباتة ماتتكسر..
أنا حطيت كاس رز
نص دجاجة نقطع الربع الى نص
بصلة كبيرة مقطعة شرائح نصفية
2 فلفل رومي مقطع شرائح طولية
بصلة متوسطة مقطعة مكعبات صغيرة
علبة زبادي
2فص ثوم مفروم ناعم وزنجبيل مبشورملعقة صغيرة
بهارات مشكلة وملح وحبة ماجي
عود قرفة وكم حبة مسمار وفلفل اسود وكمون كل هاذي صحيحة يعني غير مطحونة
حبة طماطم كبيرة مفرومة وملعقة معجون طماطم
نحط في القدر زيت ونضيف البصل والثوم
ونحركة لمن يسير لونة بني فاتح زي كذا
وبعدين نضيف جميع البهارات وماجي والفلفل الاسود والكمون ولمسماروالقرفة والملح ونحرك
ونخلية شوي
وبعدين نضيف الدجاج
ونقلب ونخلية شوي عشان يتنكة بالبهارات
وبعدين نضيف فلفل الرومي طبعا موكله يعني خذي نصة ونحركة ونخلية بعد شوي
ونضيف الطماطم المفرومه وملعقة معجون الطماطم والزنجبيل المبشور
ونحركة ونخلية شوي يتسبك
وبعدين نضيف الزبادي علية
ونحركة بعدين غطي على القدر وقصري النار علية واتركية يطبخ لمن يستوي الدجاج ويقل مرقة
انا اخلية 20 دقيقة تقريبا
نجيب بصل الشرائح ونقلية في شوية زيت لمن يسر لونة بني فاتح
ونخلية على جنب واذا في زبيب بعد اقلية لانة خلص عندي تهي تهي خخخ
بعدين اغلي مويه في قدر واضيفي عليها زيت وملح
وبعدين ولعي فحمة على النار
وبعد ماغلت الموية نضيف الرز المنقوع علية ونحركة ونخلية لمن يستوي ونصفية من باقي الموية
نحط في القدر ربع الرز وبعدين نضيف علية ملون طعام انا حطيت لون اصفر واحمر وتحركية بالشوكة
وناخذ من البصل الي قليناه ونحط نصة وبعد نحط فلفل رومي والزبيب اذا فية
وبعدين نضيف خلطة الدجاج كلها
ونصب باقي الرز علية ونضيف بعد ملون طعام وباقي البصل والفلفل الرومي
ونشغل النار على القدر وتكون قوية لمن تسمعي تقطقت الرز رخي النار مررررة
وجيبي فنجان قهوة وحطي فية زيت وحطية بنص القدر
ونجيب الفحمة ونحطها علية هيا بسم الله ابعدوو لا تحترقون ههههههه
وبعدها نسكر القدربسرعة وانا حطيت قصدير على الغطى وسكرت بسرعة وحطيت فوقة الهوند عشان ينكتم وبعدين رخي النار مررررة وخلية لمدة ربع ساعة
وهذا شكلة النهائي
.
.
.
.
.
.
.
.
.
ـــــــــــــــــــــــــــــــــــــ
التعديل الأخير تم بواسطة شذى الريحان ; 11-06-2011 الساعة 12:30 AM.
|