[عاشق الاحزان]

بدينا الحكي باسمه الــــه البشر والجان
عليم" عن الكاذب ومن كان يمدحني
ومن بعد ماسمي الا يالله الغفران
والايالله انك من عطاياك تمنحني
وتالي قصيدي ياحبيبي وش اللي كان
ترى مانت ذاك اللي بحبه يمازحني
انا لو نسى قلبي ولاحظ جمال انسان
اجافيه طول العمر مهما يصالحني
اخليه يتندم على لحظة النسيان
يذوق اللهيب اللي من الحب يلفحني
واذا كنت انا فعلا" معك يالغضي غلطان
اجي منكسر خايف وخجلان تلمحني
والا شفتك اتعذب وتحرقني النيران
مواجع ضميري في عذابك تسرحني
واجي واطلب احساسك وتستسلم الاعيان
وتذرف مدامعها ترجاك سامحني
انا جيت لك شايل عذاب الشقى ندمان
على شان اذا حست عواطفك تصفحني
واعانق همومي وارتجي قلبك الزعلان
يسامح خطاي ومن همومي يريحني
واذا مارضى قلبك علي ياغصين البان
بقسوتك خذ نوري من العين واطرحني
وخذ راحتي واجلس على عرشها سلطان
ابامسي على ظلمك وبالغدر صبحني
واذا كان في جرحي رضى قلبك الحيران
اهلي بجرحك يوم جرحك يفرحني
واقول ابتسم واجرح ترى الجرح يافتان
سعاده كبيره يوم برضاك تجرحني
وانا ادري وعارف وش رضى قلبك العطشان
حقيقه تعيسه وانت خايف تصارحني
تبي ظلم تقتلني ولاتنتظر ولهان
تدور على اسمي في كيانك وتمسحني
باقول الله يبيحك فداك الديه يافلان
وقل كان اسعد شخص يتبسم اذبحني