[* كاتلوني *]

مُــــد الهجر ،،
بآ مـدلك غصنٍ خضر ،

أنا أخوك آبن أبوك آدم أنا ،

لا أنتظر منك الشقآ ،

ولا تنتظر مني عنآ ،

ومدآم هذي أرضـنـآ !!

والشمس والقمره لنا ،

مُــد الهجر.. بآ مدلك غـصـنٍ خـضـر ..



الطيب ليه أزدآد غربه.. وش حصل للناس يآخي؟
يآخي من آللي طآب قلبه.. من جروح اليآس يآخي؟
ياخي من آللي دآم قـربـه .. و أسعد الإحسآس يآخي؟

ليه افترشنا الحزن؟ واسقينا رضانا من غضب؟

ليه استحال المزن؟ ليه اقفت عناقيد العنب؟

[[ يا رب.. حتى آللي نحب.. سن الصدود بلآ سبب ]]

[[ مرآر يآخي بكل شي.. حتى بلحظآت الطرب ]]


وش فيك؟ كن اللي اقوله ما اعجبك..
وش يعجبك؟ طار ي البنات؟!

[ يابعد عمري يـ البنات ]
هن والفرح.. من خلقت الدنيا خوات..
لكنهن مثله وهو مثل الدموع بلا ثبات.!

إن فـوّتـتـك الأوله..
فالثانيه والثالثه والرابعه متشابهات.!

وان ضيعتك الخامسه..
فالسادسه تلقى بها نفس المعاني والصفات.!

أموات حنا بدونهن..
وبحضورهن يا صاحبي أموات.!

والفاتنات..
إذا قسن..
والا نسن..
اوعبسن..
او نكسن عنك الحسن..
فك الرسن..
واشر الوسن..
واشطب على مافات..

وكانك تبي روحك تعيش معززه.. حاول تمزمز مزمزه..
وتصبر على قل الوفا..
واللي رضاهن معجزات..


وهيهات..
ثم هيهات..
ثم هيهات..
ترجع لنا مريم..
او نحتفل عقب النبي عيسى بميلاد الحياة..


يآ صاحبي.. ولى زمان المعجزات..
خل العذارى للغدر..
وخلك على هذآ الهجر..
وخلي يدي في كل يوم تمد لك غصنٍ خضر