[ابن روزه]

اكبر قهر لو شفت في عين رجال=دمعه وازرى لا بكفه يكفه
كنه اذا قد حرك الكف للعال=طاحت قبل انه يحاول يضفه
واكبر اسا في حال من ما معه حال=العوز عرا عن عطاياه كفه
كريم ذات ولو غدى لبسه اسمال=ما زاده الا عوز الايام عفه
واكبر الم طيب اذا طاح بأنذال=كل واحد(ن) ما بين الاضلاع دفه
ينهض وهو في داخله نزعة ابطال=ويطيح وجروحه على الصدر صفه
واكبر ضياع اللي نطح واهم اللال=هو مترتجي عن يابس الريق شفه
كل ما وصل اخر حدود المدى طال=ولا بقا له عن لقا الحتف هفه
واكبر ندم للي رما هيبة عقال=عقب الرزانه زاده السفه خفه
الين ضيع مجتمع ربع(ن) جزال=ثم رد وانضار الخلايق تحفه
واكبر غياب غياب من فيه الامال=اللي حدى دونه نصيبي وزفه
لا دونها شوف(ن) ولا خط مرسال=حتى ولا له لو خبر نستشفه
حالي بدونه حال من فاقد عيال=ثم ضل جالس بين واسط ورفه
ثم رابت دموعه من الجال للجال=وازرى يمينه يعتلي له يضفه
احتال بالحيله وهو ما معه حال=فوق المصيبه عوز الايام كفه
يشعر بذل وداخله نزعة ابطال=تعبان كله وانتها حيل كفه
خلوه تايه ناطح(ن) واهم اللال=ماباقي الا دونه الموت هفه
حتى شعر ساعة ندم طيحة عقال=في يوم بين للمخاليق خفه
يلي قريت الخط ذا حال من قال=من عقبها ذي وصفة الحال صفه
محمد مطلق الجربا