[عبدالمجيد الزهراني]

[frame="8 80"]تنويه قبل القصيدة
___________
بيوت ابوعريضة بقرية الحبشة ببني حرير لاتحتاج الى شاعر يسرد سيرتها , فالتاريخ تكلم عنها بمايكفي .
لكن من بين بيوت ابوعريضة , هناك بيت له مكانة خاصة بقلبي , هو بيت عبدالرحمن بن صالح ابوعريضة الحريري , يعرف الناس , وتعرف القبيلة بابه .
منذ 13 سنة وانا اتمنى ان اكتب شيئا في حق هذا الرجل , حتى جاء هذا اليوم فكتبت , ولاقصور في بيوت بني حرير كلها , فهي على الرأس من فوق .
ملاحظة ثانية للتوضيح:
المرايز : سلسلة جبال معروفة في بني حرير.
جبلّة : تعني في معجم الالفاظ العربية , الارض الصلبة.[/frame]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياوجودي وجد من حزنه من العالي يتله=لاقدر يعدل زمنه ولاقدر يعدل سنينه
وجد من يسقي البلاد وغيمته ماهي مهلّه=وش بيحرث في بلاده , وش بيذرا في جرينه
وجد من صدره يونّ ووجد من دمعه يهلّه=ينهشه ذيب الزمان وهو مكبّل في عرينه
دام حظّك يا المرايز مثل حظي الزفت علّه=سايريني يا المرايز واتركي عنك الغبينة
قالها الله يا المرايز , قالها الله , قالها الله=قاصدينه يالمرايز قاصدينه قاصدينه
ان وصلنا له وصلنا الجود من دقّة لجلّه=وان تعثرنا فعثرتنا هي الشاه السمينة
من وصل لابيت ابوصالح وصل للطيب كله=وياحنين اللي يغيب وياحنينه ياحنينه
مسفهلّ الوجه , روحه مسفهلّه مسفهلّه=ماعبس وجهه بوجه الضيف او قطّب جبينه
ياسلام الله على اللّي دلّته للضيف دلّة=يشرب الضيفان من قهوته والاّ ماي عينه
صالح اللّي مات خلّف صالح اللّي في محله=روح صالح في جسد ولده وجثته الدفينه
هرجته فلّه , وهو فلّه , وجلسه معه فلّه=يبهج الأنفس لو الأنفس من الداخل حزينة
ان بغيت الخال فأخواله جبلّة في جبلّه=كاسبين المجد من رجله الى قذلة جبينه
وان بغيت العمّ تلقى للمجدّع من يدلّه=المحبة وسط قلبه والهراوة في يدينه[/poem]