صح لسانك وسلم بنانك وعلا الله شأنك وبيض الله وجهك ويستاهل الممدوح وكل بني حرير
واسمح لي نسختها بصوره اكبر حتى توضح اكثر
===================
ياوجودي وجـد مـن حزنـه مـن العالـي يتلـه==لاقـدر يـعـدل زمـنـه ولاقــدر يـعـدل سنيـنـه
وجد من يسقي البلاد وغيمته ماهـي مهلّـه==وش بيحرث في بلاده , وش بيذرا في جرينه
وجد من صدره يـونّ ووجـد مـن دمعـه يهلّـه==ينهشه ذيب الزمان وهـو مكبّـل فـي عرينـه
دام حظّك يا المرايز مثل حظـي الزفـت علّـه==سايرينـي يـا المرايـز واتركـي عنـك الغبيـنـة
قالهـا الله يـا المرايـز , قالـهـا الله , قالـهـا الله==قاصـديـنـه يالـمـرايـز قاصـديـنـه قـاصـديـنـه
ان وصلنـا لـه وصلنـا الجـود مـن دقّـة لجـلّـه==وان تعثرنـا فعثرتـنـا هــي الـشـاه السميـنـة
من وصل لابيت ابوصالـح وصـل للطيـب كلـه==وياحنـيـن الـلـي يغـيـب وياحنيـنـه ياحنـيـنـه
مسفهلّ الوجه , روحـه مسفهلّـه مسفهلّـه==ماعبس وجهه بوجه الضيف او قطّـب جبينـه
ياسـلام الله علـى اللّـي دلّتـه للضيـف دلّــة==يشرب الضيفـان مـن قهوتـه والاّ مـاي عينـه
صالح اللّي مات خلّف صالح اللّي في محلـه==روح صالح فـي جسـد ولـده وجثتـه الدفينـه
هرجته قلّه , وهو فلّـه , وجلسـه معـه فلّـه==يبهج الأنفس لو الأنفس مـن الداخـل حزينـة
ان بغيـت الخـال فأخوالـه جبلّـة فــي جبـلّـه==كاسبين المجد من رجلـه الـى قذلـة جبينـه
وان بغيـت العـمّ تلقـى للمـجـدّع مــن يـدلّـه==المحبـة وسـط قلبـه والـهـراوة فــي يديـنـه