[عبدالرحمن الخزمري]

السعودي يزرع السهل ويعمر جباله
السعودي سهل كالسهل صعب كالجبال
السعودي له ظلال ولا يقبل ضلاله
ما يقف في ظله الوارف أصحاب الضلال
السعودي يشرب أسمى الشيم حتى الثماله
من رجال يعرف أنهم صناديد الرجال
يرفعون الراس ذا جده وذا من خواله
أي نعم هذا السعودي من جد وخال
بعض الأشجار الضعيفة تموتها هداله
والسعودي نخلة ما نبت فيها الهدال
السعودي يشرب الصفو ويخلي الحثاله
لو تهب العاصفة يشرب العذب الزلال
السعودي لا اغتنى جاد وأرخص راس ماله
وان يجور الدهر يصبر ويرقى عالمحال
السعودي يرفع الراس ويميل عقاله
ما انحنى راس السعودي ولا طاح العقال