في نهايه اسبوع الاعترافات والاسئله....
اخواني الأعضاء المعذره اذا قصرت في شي او نسيت شي...او مانصفت
شخص يستحق الانصاف او الذكر عاد اخوكم شايب والذاكره في خبر
كان.... الحمدالله الظروف ساعدت اكمل اللقاء كان الوقت شوي ممكن
يسبب لي احراج لكن الحمدالله.....
اشكر اخي ابو عدي واخي ابا يزن بعد ان شرفاني بالجلوس في هذا
المكان لاستقبال اسئلتكم.... واقول ماقصرتم يعطيكم العافيه....
اشكر كل الاخوان الاعضاء الي تشرفت بالاجابه على اسالتهم...
واكرموني بتواجدهم....واتمنى اكون وفقت في الاجوبه لو قليلا حتى....
كان من الممكن اني احاول استعرض مهارات لغويه واختار كلمات غريبه
واجوبه مبهمه اسوي فيها فاهم ومثقف من عالم ثاني.... لكن حبيت اني
اجاوب بتلقائيه وعفويه... حتى استغربت بعض الاساله كنت اجاوب
وكاني اسولف مع الي كتب السوال وماسك خط....
مع ان البعض ماتعجبه هذه الطريقه ... ولكن افضل البساطه اكثر
شي...
وسعدت بالجميع وبمشاركاتهم.....
واتمنى لو تحوز هذه المقابله على بعض الرضى... وقدرت اقول لو شي
بسيط....
والاهم مايكون فيها شي يضايق اي شخص... واذا في شي يضايق
يعطيني خبر في الخاص واقدم له الاعتذار....
حاولت اجاوب بصراحه بقدر الامكان صح بعضها صرفت شوي...
واتشرف بكل من مر وتابع اللقاء لو مرور سريع اشكرهم كل الشكر...
وكل الشكر لمن سيمر من هنا في اي وقت....
ماندري وش تخفي لنا الايام يمكن الواحد يغيب وتبقى هذه الكلمات لفتره
طويله هنا....
فاتمنى كل من مر من هنا.... اولا اطلب منهم السماح ومايكون احد في
خاطره شي منى ... وعارف كثير حامل على لكن اعتذر منهم...
ودعواتكم بالتوفيق.... والله يوفقني ويوفقكم....
كل الشكر للجميع وفي امان الله....