[ابن روزه]

الشاعر علي الخزمري




قصيدة مد اليمين




مد اليمين وخذ خفوقي وخله
يشكي على كفك عذاب الليالي
وان عذبك خذ سيف صدك وسله
حده على الشريان واحذر تبالي
ياصاحبي لك دق عمري وجله
غالي وتبقى في المعاليق غالي
انا ادري اني كنت للقلب عله
علّيت قلبك لين ضاق المجالي
ماهيب زله لا حشا الف زله
كله ولا دورت غيري بدالي
اسكنتني في موق عينك وظله
واسكنت حبك في سواد الرمالي
حبلٍ عقدته فيك لابد حله
وش حد مثلك يرتهن في حبالي
دربٍ يهينك يا حبيبي فزّله
لا تمشي الا في دروب المعالي
مثلك ترى ماهوب عندي محله
جواب حبك ما سكت له سؤالي
ضم اليمين وخافقي لا تشله
خله بكفك ينتثر لا تبالي
عذب خفوقي ياحبيبي وخله
يبكي على التذكار طول الليالي