[الفقير الي ربه]

يقو أبن غطيس
_______________
يغنيك عن كثر ألحكي مجمل أبيات
ومن ياخذ ألمضمون يلقى الأدلة
تدري وش أللي يقتل ألحب بسكات
لاصرت في بوحك تحس بمذلة
وتدري وش أللي يكسرالظهرحزات
لامن عطيت إحساس ماهو محلة
وتدري متى تستاهل الطعن مرات
لامن خطيت ألدرب وإنتة تدلة
ولاتسال ألغالي عن ألجرح لافات
نبش الحكي يزود ألطين بلة
طالع في من حولك وتاخذ شهادات
مانلتها لو تدرس ألدهر كلة
ناس تجر من أسود ألضيق ونات
وناس تقضيها وناسة وفلة
هذاك شال هموم غيرة ولا بات
وهذاك مايدري عن إحساس خلة
أحدن يهين أصلة على كل زلات
وحدن ترومة شيمتة ماتزلة
لاتقول حظي من عنا الوقت قد مات
قل مات حظ اللي عناة استحالة
ولا ضاقت الدنيا وعلى الكيف ماجات
اطلق أحجاجك ثم توكل على ألله
لو كل من يبكي يحصل مرادة
وألله لتلقى كل ألأجناس يبكون
مير ألبكى للي علية ألقرادة
ألله يعين أللي من ألوقت مغبون
أحد همومة بالحياة ألسعادة
وحد همومة با لعمر كثرة ديون
واحد ينام وحط دونة وسادة
وأحد شكى ليلة على خالق ألكون
واحد شكى هجرألوليف وبعادة
واحد حفظ حبة عن اللي يعذلون
واحد سهر ليلة صلاة وعبادة
واحد سهر مابين خمرة ومزيون
دنيا بها ألعالم بياض وسوادة
فيها عجايب تجعل ألعقل مجنون
________________
مع قبول تحياتي