[ابن روزه]

تراني كنت متوقع تصدق هرج خلق الله
ولكن ماتوقعتك تسولف بي لعذالك؟!

تبي تنساني؟إنساني..فداك اللي مضى كله
يجوز احيا من فرقاك مدامي ميت بوصالك!!

ترى مايجحد الواقع سوى خل نسى خله
مثل ماتجحد عيوني حنين حيل يظما لك!!

مع إني عارف محد<ن>يداوي غيرك العله
اسج بحالي لحالي لجل ماينبري حالك!!

وأكابر من خطا نفسي وأزيد الجرح وأبله
واتحاول في عبث مضحك ادور غير همالك!!

حبيبي حتى لو زولي من غيابك فقد ظله
كفايه شمسك اليا اليوم تنسج حولي ظلالك

تبيني اعتذر؟ <آسف>!ولكن وش هي الزله؟
تبيني اجرحك؟حاضر..أنا همك وغربالك

مدام أني سبب دمع<ن>حزين ناظرك هله
فعساني يابعد عيني أجل ماطري على بالك!!

وإذا قالو لك:إن قلبي من فراقك نزف غله
قل أن:مابه بلى عسى درب السعد فالك

وأنا والله ثم والله ثم والله ثم والله
لاسوي ماتبي من شأن بس تحقق آمالك

ولكن قبل ماتبعد وتنسى مامضى كله
أمانه بس علمني وش اللي غير احوالك