[ابن روزه]

قصه حقيقه قديمه حصلت في احدى القرى كان هناك شاب اسمه عايش يعيش في هذه القريه وكان يحب بنت اسمها نوره , وفي يوم من الايام ذهب عايش لكي يخطب نوره ولكن ابو نوره رفض لأن عايش كان على قد حاله وما عنده حلال ولا عنده فلوس كثيره, فشاف عايش نوره بعد ما طلع من عند ابوها وقالها :نوره انا راح يصير عندي فلوس وراح اشتغل وراح ارجع اخطبك واتزوجك, ونوره كانت تحب عايش فوافقت انها تنتظره.سافر عايش الى منطقه مرموقه في وصار يشتغل في التجاره ومرت الايام وصار عنده فلوس ورجع لقريته عشان يطلب يد نوره من جديد ويتزوجها ولكن لما رجع القريه تفاجى ان نوره تزوجت لان ابوها اصر عليها انها تتزوج وزوجها من رجل مقتدر. وتفاجى ايضا انها ليس فقط تزوجت بل هاجرت الى مكان ثاني مع زوجها ولا احد من القريه يعرف المكان. فقام صاحبنا عايش وقال بيت شعر (ابنشدك عن نور القمر وشلون نوره) وقرر يسافر ويدور على نوره. ومر على القريه الاولى وراح وسلم على اهلها وضيفوه وقال انا عندي لغز واللي يجاوب عليه بعطيه كل حلالي قالوا وش اللغز قال(ابنشدك عن نور القمر وشلون نوره؟) احد الجالسين قال له ابيض واحد ثاني قاله اصفر وكل الاجوبه غلط ولا احد عرف حل اللغز. فسافر الى قريه ثانيه وطرح عليهم نفس اللغز ولم يعرف احد الجواب راح للقريه الثالثه وكان تعبان من السفر فقالهم انا عندي لغز واللي يعرف يحله بعطيه كل حلالي قالهم (ابنشدك عن نور القمر وشلون نوره؟) لم يعرف احد الجواب فقالهم انا اليوم بنام عندكم لاني تعبان واللي يعرف الجواب يقوله لي الصبح ومن بين الحضور كان زوج نوره موجود فرجع للبيت وقالها :نوره !! قالت له :سم ؟ قال: جانا اليوم واحد خبل يقول عندي لغز واللي يحله بعطيه ماله وحلاله كله, فقالت له: قولي وش اللغز يمكن احله قال لها(ابنشدك عن نور القمر وشلون نوره؟) فبتسمت نوره وقالت له :عرفت الجواب قال لها :صدق؟ قالت له :قول له(مثل السمك في البحر وشلون عايش؟) فقام الصبح زوج نوره وراح وقاله: انا عرفت الجواب فقاله :وشو الجواب قاله(مثل السمك في البحر وشلون عايش؟) فبتسم عايش وقاله هذا مالي وحلالي وسلم لي على من حله

راقت لي فنقلتها لكم