[عيوني لك]

نبضات قلوب السيدات
تعرفون ان النساء بكل الفئات بعني البنات (S ) والمتزوجات (M) والععجائز - الكهيل - (X) يحملن بين خلجات صدورهن تلك القلوب الرقيقه والمليئه بالعاطفه الجياشه والرحمة المتناهيه الى ابعد الحدود بدرجى تكون في بعض الاحيان رحمة في غير محلها ولكن ايش نسوي قلوبهم رهيفه . لكن ليس من المعقول ان تجد اي وحده من هذي الفئات بمواصفات ذكوريه الا ماقل وندر ولكن موجود في مجتمعنا حالات نعتبرها حالات شاذه عن قاعدة نعومة الانثى ورقتها وحنانها وعاطفتها .
في مدينه من مدن المملكه وما احب ذكر اسم المدينه حتى لاتاخذون فكرة سيئه عن بنات هذه المدينه ولاحضو اني اقول بنات يعني الحاله اللي راح نتكلم عنها من فئة (S) وفي سوق - مول كبير مزحوم ومليان بالزوار وانتم عارفين اليومين هذي الزحمة في المولات اكثر مما تتخيلون . المهم وحدة الله يستر عليها كان تدرج بين اروقة هذا المول وعادي البنت تطالع وتقلب في الضيع اللي موجوده في المول ومر من جنبها ولد يعني يمكن عمره تقريبا 10 سنوات قصير لا والله انه حتى قزم تشوفه تعطيه ابو 6-7 سنوات المهم وهو معدي من جنبها كأن المسكين زحلط على السراميك وهو نازل على الارض ومد يده عشان يحاول يمسك في اي شي يحميه من الطحيه ومالقي المسكين الا هذي البنت مسك فيها ولكن طاح وسحب عباية البنت معه طبعا البنت الحمدلله ما انكشفت عن بكرة ابيها لا . لكن انا اول مرة اشوف بنت ماتصيح ماتصرخ ماتصعق هذي ولا سوت اي شي من اللي قلناه . العاده البنات يصرخون اذا مرو بموقف زي كذا بحكم انهم بنات وهذي طبيعتهم لكن هذي ولا شي , رفعت العبايه وعدلت الغطوه وشالت عن عيونها النقاب ولفت جسمها كامل ع الولد وقالت : انت اللي سويت كذا ؟؟ قال : آسف والله ماعليش ماكان قصدي غصب عني قالت له : وين تنصرف هذي انت اعمى ماتشوف ؟ وما امدى المسكين يقولها آسف ويعتذر منها الا وهذي شالته بيدينها على فوق وهو يصيح والله يصيح ورمته على الارض وقالت له : ( الزناوات هذي تسويها عند امك في البيت ).
ياخي انا اول مره اشوف بنات زي كذا اصلا بعد ما قضت من الولد الناس اللي شافوها كل ماراحت لجهه راحو الناس لجه ثانيه . بس بصراحه انا اعرف ان البيره مكتوب عليها ( خاليه من الكحول ) هذا ( خاليه من الانوثه ) . اذا نكحت بكره الله يعين اللي لابياخذها .
الحادثه انا وقفت عليها وليس نقلا عن الراوي .