كنك ورق غصني وأنا في وقفتي مثل الشجر
إن طحت من غصني ترى وياك لا يمكن أطيح
الحب بأشواق العمـر يامـا تهيـج وانفجـر
وإنتي ولا إنتي داريه لو أشكي بهمي وأصيح
يا بنت ما عشتك غلا لجلك تموتينـي هجـر
إن مت بعيون الهوى ببقى بهالدنيـا جريـح
كنت أحسبنك تصبري لو كان من شعرك أجر
ما تتركيني بالهوى مرضان وبهمـي طريـح
دامك تبعتي عاذل ٍ منطوقه أسلـوب الغجـر
فتحملي كل الألم لـو جـرك لحـدّ الضريـح
لونك عطيتي خامسه وألجمتـي بفمـه حجـر
وخليتي أحلام الهوى داخل فـؤادي تستريـح
ما كانك سمعتي غلط أو بعض أنواع الزجـر
من خل حطك بالصدر من غير مانك تستميـح
كان بتعيشي بالهنا وتودعـي كـل الضجـر
وتقولي آمر وش تبي آنا على صوتك أسيـح
وآسافرك وإنتي معي وأوصلّك حدود المجـر
وأكتبك بألواني شعر من حبر عينك ما يبيـح
يا بنت أنا ليل الهوى وبصحبتي نور الفجـر
يا بنت أنا مثل الشجر أموت لكن مـا أطيـح
ألشــــــــــــــــــــــــــاعــــــــــــــرصالـ ـــــــح فــــــــــارس رجـــــــــــــب