[لامل الجريح]

[poem=font="Arial,6,purple,bold,normal" bkcolor="transparent" bkimage="backgrounds/15.gif" border="double,6,purple" type=2 line=0 align=center use=ex num="0,black""]
يامراسيل الهوى ماعاد قلبي في رجاه=ما ابي قربه خلاص اليوم روحوا بلغوه
حسبه الله ماقويته حظ عين الي قواه=اشترى قلبن يبيع وباع قلب الي شروه
هو محنك هو سياسي هو كذا ربي عطاه=جاذبيه قلب قاسي واسالوني جربوه
ان وصلتو لب قلبه او وصلتو منتهاه=ماعلى هالوجه شارب وان وصلتو حلقوه
كل ماقربت صوبه زاد قسوة في حكاه=لعن ابو طبعه كذا جذاب لكن دربوه
كيف يلعب بي وكيف يصير عكس الا تجاه=كيف يكتم وسط صدره هرج ناسن ما اعجبوه
كل مافي القلب مات الله يجبر لي عزاه=والغرام الي عطيته غسلوه وكفنوه
عجلوا بالله قلبي يرتعد جيبوا دواه=عالجوه وكمدوه وزملوه ودثروه
يامراسيل الهوى قولوا لمن قلبي هواه=بيت شعرن فيه ثاء عدلوه وشددوه
ما اظن ان فيكم حدٍ مر عمره ما قراه=ان حظي كدقيق فوق شوك نثّروه
[/poem]

اخواني شعراء المنتدى
اتقبل بكل اعتزاز نقدكم البناء للقصيدة
ولا غنى عن دعمكم