على بالك تصدين وأجي لك خاضـع اترجـاك
تبين اليوم تجفيني وأقول ارجوك لا تجفيـن
سلامة شوفك وفهمك ترا ما عـدت والله ذاك
إلامنك تنادينه يجي لـك لـو تروحـي ويـن
تغيرتي ولا أدري وش اللي غيرك وش جـاك
وكن الـذي بينـي وبينـك رد حـق وديـن
ولا كني تحملت الألـم فـي غيبتـك وجفـاك
ونا اللي بالهوى صاحي ولا لي غمّظت عينين
كفايه إنك على بالي ولا فكرت يـوم أنسـاك
كفايه إني أعيشك حلم من صغري إلى والحين
تقولي آسف وربي تعبت وما قـدرت ألقـاك
وأنا ساكن بوجدانك على شعرك على الخدين
سهرتيني ضوا عينك رقدتيني دفـا ممسـاك
شهقتيني وتنهدتي ما بين الضلـع والجنبيـن
تشوفيني بنظراتك تقوليني مـا بيـن شفـاك
تشميني ورود العشق لا من جيتـي تشميـن
تعيشيني بأفراحك بضيقاتـك بوقـت رضـاك
تهليني مع الدمعه مع قطـرة عـرق بجبيـن
معا هذا تقولي لي أنا آسـف بعيـش بـلاك
سأمت الحب واسنينه سأمت الشوق بين اثنين
أثاريني أعيش الوهم فـي ذاتـك ولا أهنـاك
لهاني برزخ ٍ خداع وأبهـر بالحـلا جفنيـن
ولكن بانت اللعبـة وزال الوهـم والتشكـاك
ولا عد ينفعك كذبك وأسلوبك حفظتـه زيـن
خلاص إنتي أبد روحي ولا عد بتبعك بخطاك
وأدت الحب من بعدك ولحدته على الجنبيـن
--------------------------------------------------------------------------
ألشــــــــــــــــاعــــــــــــــــر صــــــــــــــــالــــــــــــــــح بــــــــــن فـــــــــــــارس