[الفقير الي ربه]

لــــيــــلــــة وداع الـــتـــاســـعـــة والـــثـــلاثـــيـــن

طـــبـــل ومــزامــيـــر ونــواقــيـــس واجـــــــراس

عمـر(ن) نـهـب بيـسـار مااعـطـاك بيمـيـن

لايـــحـــرم الــضــامـــي ولايــمــلـــي الـــكــــاس

ســجــيــن ويـــــــن آنـــــــا وحــريــتـــي ويـــــــن

وآشـــوف وضـــع الـنــاس وآقـــول لابــــاس

الــنـــاس فـــــي الـدنــيــا مــجـــرد مـسـاجــيــن

الــدهــر عـيّـنـهــم عــلـــى بــعـــض حـــــراس

كــــم يـفــســد الـزيــتــون مـايـصـلــح الـتــيــن

وكم شجرة(ن) يصنع من اغضانها فاس

صـبــح الـثـلاثـاء ينـتـهـي عـــرس الاثـنـيـن

يــاكــم وكــــم روس(ن) بــالاقــدام تــنــداس

تـأخــذ رحـــاة الـوقــت مـــن حــيــن لاحــيــن

وقــفـــة دقـيــقــة تـلـتـقــط فـيــهــا الانـــفـــاس

تــعــبـــث مــلائــكـــة الـــرضــــا بـالـشـيـاطـيــن

وتقـضـي الطمانـيـنـة عـلــى كـــل وســـواس

وآقـــوم اســـوي لـــي مـــن الـشـعــر بـيـتـيـن

وافــرد لـهـا مــن فـهــرس الـــروح قـرطــاس

آضـــمّــــد بــحــرفـــي جـــــــروح الــمــحــازيــن

واقـفــل قـلــق وافـتــح بـهــا بـــاب هـوجــاس

تغنـيـك عــن بـعــض الـسـيـوف السكـاكـيـن

وتغنيـك عــن بـعـض السكاكـيـن الأمــواس

الا فــــلـــــو فــــجّـــــرت شــــعـــــري بـــراكـــيـــن

مـا اتـرك جبـل واحــد يـوقّـف عـلـى ســاس

اوقــف بـعـض الاحـيـان مـكـتـوف الايـديــن

واغــبـــط واهــنّـــي كـــــل مـتـبـلّــد احــســـاس

واسمع من اصحابي على الـرأس والعيـن

واخــطــر بــقــاع الـعـالــم الـعــيــن والـــــراس

يــاكــم فـقـيــر(ن) فــــي رصــيـــده مـلايــيــن

وآنـــا غـنــي وآنـــا عـلــى وشـــك الافـــلاس

زيـــــف الـحـقــايــق واخـــتـــلاف الــمــوازيــن

خلاني اغضب واضرب اخماس باسداس

آنـــــا ادي ان الله خـلـقـنــي مـــــن الـطــيــن

لــكــن بــعــض الـطـيــن يــاقـــوت والــمـــاس

لــــــو كـــنـــت لاقــــــي لـلـحـقـايــق بــراهــيـــن

كــــان اخـتـرعــت لــراحـــة الــبـــال مـقــيــاس

والــلـــي مـوصـلـنــي لـــــذا الـــحـــال ثـنـتــيــن

كذبـي علـى نفـسـي وصـدقـي مــع الـنـاس

عـــبـــــــدالــــواحــــــــد ســـــــعـــــــــود الـــــزهـــــرانـــــــي