ماني بقايل لك ارحم مانـي بصـارخ نـدم
خل في بالك حقيقة واضحة مانـي حزيـن
دامك بترحل يـا خلـي مـا أرد إلا بسـم
أرحل وخلني أقاسي فرح يطلبنـي سنيـن
أرحل وبرحل وترحل دمعتـي ويـا الألـم
ويرتحل شوق ٍلك أبطى ينتظر زولك يبيـن
ترتجي مني وصالٍ وإنت سارح فـي وهـم
وأنا ما عمري نسيتك حتى حلمي بك يزين
لو تركتك ما تركتك أو حصـل زلـة قـدم
أرجع أهدي لك خفوق ٍبين يدينـي دفيـن
لو حصل مرة وشفتك أو غفى بجفني حلـم
يوقض الشوق الأماني لو كوابيسك أنيـن
انتهى حلمي اللي عشته وأصبح الواقع عدم
وابتدا وقت الموادع وانتحر بالموق عيـن
كاني بحقك غلطت وكنت مـن زود الكـرم
أحتفل في حبك أكثر وأحتفي بشوفتك زيـن
أغفر فروحي وحبي وأغفره نـزف القلـم
وادمحه شوقي تعنى مع عذابـات الحنيـن
لو بتسألني بجاوب لو بترحـل مـا يهـم
وإن بترجع لي بسافر وأطلب الله لي يعين
ابتدينـا وانتهينـا دون مـا نكتـب اسـم
للمعاناة اللي يقراهـا عـذول ف كلمتيـن
اكتبك لو لي بتمسح وأذكرك لا فـي نعـم
واسهرك مع ضو شوقي وانزفك في دمعتين
واليدين اللي بنت لك هي ترى راح اتهـدم
خذ تفاصيل البناية لكن اترك لـي اليديـن
لجلها ما راح أقولـك يـا عذابـي ارتحـم
وإن حكيت أوعدك ببقى طول أيامي حزين
-------------------------
ألشــــــــاعــــــــــــــــر صالـــــــح فـــارس