المشاركة الأصلية كتبت بواسطة نسيم السروات
الله يسلمك أخي منبع الطيب ويعطيك الف عافية على إجابة الدعوة وحر الرياض شئ لا بد منه جلسنا شهر شهرين معوادنا عليه . وعلى قول أمي في أحدى قصائدها تقول فيها : العاصمة رحبت ياكل من جاء مصيف **** تقول ماعد معك مخراج تحت المكيف . المهم سلمت يداك على الذكريات الجميلة أخي منبع الطيب أما موضوع الغلة اللي في حق النيدو وربي أني تذكرت أخواني كانوا كذا يمكن هم اللي كانوا معك حينها وش يدريك لأنهم فعلا كانوا يخبونها في علبة نيدوا وكان أحد أخواني محترف في جمع البرجونات ( المصاقيل ) عند أهل الرياض وكنت أسرق منها الحبات الكبار عشان نلعبها زقطة والله كنت أموت على شكل البرجونه خاصة الملونة من جوتها الله يازمان وألعاب زمان كان فيها براءة أتذكر أمي كانت تسوي لنا أيس كريم من الفيمتو وتضعه في أكياس ثم تثلجه لنا وتوزعه علينا إذا ثلج تقول لا تشترون من عند جارتنا فلانه لأنها أكتشفت الوالده أنها تضع في الأكياس عصير حبحب ( بطيخ ) وتبيعه على الناس فصارت أمي تسويه لنا في البيت أحسن . الف شكر منبع الطيب . وكل عام وأنت إلى الله أقرب .