حياكم الله
عنوان مستفز صح ؟؟
هذا حالنا هالايام
لايخلو مجلس هاليومين من حديث عن شي اسمه ( زيـــادة) طبعا زيادة رواتب
مالت عليكم يالسعوودين خلاص عاد كل واحد يحفظ موية وجهه تراكم ازعجتم حكومتنا الموقره وذليتم اعماركم وفوق كذا تعالو معي بارويكم سلم الرواتب الاماراتيه يعني خلنا نموت قهر شوي مع بعض حنا يا شعب اكبر دولة مصدرة للبترول في العالم ام عشرة جامعات ام التطور والسعودة
سلمكم الله فيه دولة جنبنا يقالها الامارات العربية المتحده هالدوله مافيه فرق بيننا وبينها الا بشي اسمه مساحه وثوب بدون قلاب يعني ساده من فوق
ولا زينا مسلمين واوادم ويتعبدون ربهم ولا فيه عننا زياده عنهم(الحين بيطلع لي واحد يقول فيه خبر عن الزياده) الا انهم ....... كح كح كح
هالدوله قررت بصرف زيادة رواتب مواطنيها الى 70 %
وتعالو شوفو
عندهم يتخرج الجديد على المرتبة الرابعة بـراتب شهري قدره 28750 درهم ..
بعده يجي الدرجة الثالثة براتب شهري قدره 33250 درهم
بعده يجي الدرجة الثانية براتب شهري قدره 42000 درهم
بعده يجي الدرجه الاولى براتب شهري قدره 55250 درهم
فيه درجه عندنا يسمونها الدرجه الخاصه براتب قدره 84000 درهم
ضحكتني الدرجه الخاصه يذكرني برقم عندنا ياخذه فلان من الناس
صلو ع النبي ....اللهم صلي وسلم عليه .. الدرجة الرابعة الجديد28750 مثل عندنا الي يدرس اربع سنوات ويتخرج بكالوريوس ويتعين مدرس بالدرجة الثانيه براتب 4200 ريال
واخيرا اكحلها بعلاوة اجتماعية طبعا هذي ماحد يعرفها عندنا العلاوة هذي تصرف لكل مولود اماراتي الطفل وقدره 600 درهم اماراتي ...راتب سيكورتي بشركة امنيه عنده 13 ولد
طبعا مسكن مجاني لكل مواطن واذا ماتحب زوجتك تصير تحبها غصب لان بيكون لها راتب زياده على راتبك وقدره 1000 درهم
وطبعا توصيل الابناء للمدارس مجانا بالاضافه الى الكتب وادوات القرطاسية المدرسية مجانا
ماشالله اللهم لاحسد
الله يحفظ لهم شوخهم
اما حنا فائض الميزانية رقم خرافي والعاطلين اقل من رقم الفائض بقليل
الســـــــؤال ؟؟
ليششش
الحين احد يقدر يوقف بوجهي ويعارضني يوم لعبت بحسبة البيت المشهور الي يقول
انت سعودي غيرك ينقص ونت تزودي
وتحويله الى
انت سعودي انت تنقص وغيرك يزودي؟؟
حقوق الطبع محفوظة لـGIVENCHY