المشاركة الأصلية كتبت بواسطة نسيم السروات
سلام ياغلائم صبحكن الله بالخير أشوف شئ هروجن وحكاوي وقصص وعلوم زينة هويه ياريحانة مادعيتيني أجي أتهرج معكن وادهدق شوية غرب الله على أبليسك . ياحبي في المواضيع اللي كما ذا الموضوع أحب أسرح وأمرح فيه ربي يعطيك العافية ياشذا الريحان على أفكارك النيرة . بأقول لكم مواقف مضحكة صارت من أحد شغالاتي الأندونيسيات : * في أحد الأيام كان زوجي عندالباب برى يصلح ويهندس في سيارته . قال للشغالة روحي جيبي لي زرادية من من البيت راحت وجابت له جريدة لأنها تسمي الجريدة زريدة فضنت أنه يبي زريدة مدري كيف جمعت بين النطقين وصارت الزرادية جريدة . فقال لها روحي أنتي بقرة ما تفهمين شئ . ثم قال لها مرة أخرى روحي وجيبي لي فوطة من المطبخ أنظف بها زجاج السيارة راحت وجابت له فوطة وسخة قال لها أقولك روحي جيبي فوطة منشفه مثل الناس هذي ما تصلح . جتني تركض في المطبخ وتنادي مدام مدام بابا كلام زيبي فوطة سيم سيم ناس كيف ياماما فوطة سيم سيم ناس فيه فوطة سيم سيم ناس ؟؟؟!!! فطست عليها من الضحك وأعطيتها الفوطة كان زوجي دائم يقول لها يابقرة إذا ما فهمت الكلام الله يهدية . * وفي أحد الأيام طلعت من الثلاجة علبة لبن عليها صورة بقرة جت عندي قالت مدام أش أسم هذا بالعربية قلت هذه أسمها بقرة وكنت ناسية أن الرجال كان يقولها أنتي بقرة فتغير وجهها وقالت كذا بابا كلام أنتي بقرة أنتي بقرة أنا مافي سيم سيم هذه بقرة أنا إنسان كادت أنها تبكي المغزولة قلت لها يابنت الحلال بقرة كويسة مرة فيها لبن وحليب وزبدة ولحم وكل شئ هذا بقرة مرة كويسة . وإلى اللقاء مع مغامرات شغالتي أصلح الله حالنا وحالها .
رد: (“'•.¸§(استراحة الشقائق )§ ¸.•”)