المشاركة الأصلية كتبت بواسطة لغة العيون
السلام عليكم ورحمة الله والله موضوع يعيد الفرحة في قلوبنا موضوع يستحق اننا نكتب فيه نعيد ايام فيها المحبة وفيها الانس عندي من ذكريات رمضانل شيئ اذا اعلنوا ان بكرة من رمضان يقوم اللي عندة الخبرمن الرادي او من التلفزيون يرمي بالبندق ويقومون يرمون معه كذا يغرفون الناس ان بكرة من رمضان ماشيئ جشاعة كما اليوم 4 عربيات كلها مكرونة وتطلي من قبل ما يعلنون عن رمضان اذكر الصبح عادي اللي يصرم في بلادة واللي يهبط السوق واللي يسقي كلن مشغول لين يئذن الظهر يصلون جماعه ويتعالمون عند المسجد فوق الدكة والله لاشيئ غيبة ولا يتلحقون احد سواليف كلن وش سوى في ذاك اليوم يقيلون لين العصر ثم اللي بغنمة واللي في شغله عاد عنا حنا امي الله يرحمها ما تعرف شيئ اسمة سنبوسة كما تنطقها رحمها الله وفي الدار مافيه الا بنت وحدة تاخذنا بالدور تسوي لنا والتطلي يازينة عجيب مافي الدار إلا بنت واحدة تسوي للجميع ليه وين رحن الصبايا وخلوا ذا البنت ضعيفه تسوي للجميع بالدور الله يعظم أجرها أخاف أنها هي الوحيدة تعرف للأكلات الرمضانية المطورة . تذكرت موقف أول ما عرفنا التطلي وأحنا صغار شروا جيرانا وفي نفس الوقت عيال عمنا شروا علبة تطلي والحريم اللي في البيت كلهن مافيهن واحدة تقرأ وما عرفن يسوين التطلي ولا ودهن يعلمن الرجاجيل أنهن ما يعرفنه قامت واحدة منهن ورمت بالعلبة من البداية ( الشباك ) وطاح عند سدة بيتنا قمت أنا وأذكر أني أولى أبتدائي وأخذت العلبة وجلست أتهجى المكتوب عليها ومكتوب عليها طريقة عمله وأنه لازم نضع عليه حليب ورحت أدور حليب وما حصلت في المطبخ حليب ورحت عند أحد عماتي كان عندها ولد صغير يرضع رضاعة وعندها له علبة حليب أطفال وجلست أدخل عليها وقلت لها تكفين أعطيني 4 ملاعق فقط عشان أسوي بها تطلي رموه عيالي عمي فلان لأنهم مايعرفون يسوون وقامت ماقصرت اعطتني من حليب ولدها 4 ملاعق ورحت وضعت عليه موية وسكر ومسحوق الكاسترد ووضعته على النار بنفس الطريقة اللي في غلاف العلبة ولما أستوى لحسناه بالملاعق صار طعمه يجنن بعدها أدمنا على شئ اسمه تطلي وأعطينا منه عيال عمي وخبرناهم بعلبتهم اللي رموهوا وكادوا يأخذونها منا بعدها يجتمعون على الفطور اما خبزة مقنى ومعها مرقه والا شربة والا دغابيس كلهم ينصتون للشيخ الطنطاوي رحمة الله ورحم اموات المسلين يصلون التراويح ويالله كل يوم مسيار قهوة وسواليف اجمل الاشياء كلن يجرب الثاني من فطورة وياهي تكمل النعمة بذاك التواصل عاد تمر ايام رمضان بصلة رحم وعبادة يوم 20 نقوم نجمع المشعال ويالله كل اقارب يجتمعون في مشعال حتى اللي يسافر ياخذ عمرة الجماعة عنده يتنشدونه عن العمرة وعن مكة بعد ما يذيعون بكرة العيد تشوف السماء حمراء من الرمي فرحة عاد نسري نشب المشاعيل والطراطيع ابو عصفور صباح العيد نلف القرية تدرون خلوا العيد اعرف نسيم بتجيب موضوع للعيد ونكتب فيه تحياتي للجميع او