هنا نقطة تحول صار ولازم نفهم الموضوع
هنا نلقى السؤال الصعب تحيرنا اجاباته
هنا يبقى العقل واقف وتبدى الذاكره برجوع
تذكر عيدنا وش كان ووشهي الحين حلاته
صحيح بعد الكهارب ذيك نبدل نورنا بشموع؟؟
صحيح نترك شراب العذب ونشرب من هماجاته؟؟
صحيح قول العزيز الحق وقول نبيه المشفوع
نبدله بكذب شاعر ودقة زير وعرضاته؟؟
صحيح سهم التلاحم طاح وسهم التفرقه بطلوع؟؟
في سوق أسهم فكر هالناس وامحق من خساراته
وش افضل من تجمع لتناصح مرئي ومسموع؟؟
وش افضل من لقى حب وموده مع مسراته؟؟
محمد ابن عبدالله اول من بداء المشروع
بدى الدعوه الى الله في اول بداياته
ومن بعده صحابته الكرام والتابع المتبوع
وفي ارض الحضن العام اعلنا نهاياته
وانا ماني فضيلة شيخ لاكن الفؤاد موجوع
وابي اعرف متى هالشعب يطلع من جهالاته؟
واقول للي سمع ابيات شعري زبدة الموضوع
مؤكد من تسبب فيه غبي بكل حالاته
الشاعر
محمد بن خلف السويدي الزهراني