[الفقير الي ربه]

الحقيقه كنت احب وكان لي قلبٍ كبير
كنت من حبي لحبك؟ اروي الروح بضماي




والحقيقه كنت صادق أحضنك وامسي سِهير
كنت خايف لا أخونك او تشكّين بوفاي




كنت اصدّق كل كلمه واستمع لك للأخير
واحفظ الحكي بخيالي ثمّ اصوّره بهواي




كنت لاغبتي ؟ أجيلك أسألك وشفيك خير
ياعسى ما طاح دمعه او تعكّر لك صفاي




كنت مجنون وخيالي كنت بيد ينك أسير
كنت رومنسي وشاعر وانتي البدر بسماي




كنت اموت إليا حضرتي واسرق انفاس العبير
وكنت اموت إليا رحلتي واتبع القلب ابخطاي




كنت من زود الوفا لك لاطروا إسمك أغير
اقلب الدنيا عليهم واحترق واشعل لظاي




كنت احنّك من عتابي واحمل اهمومك واسير
خاف لا يغلط لساني أو تقلّي من غلاي




والحقيقه بعترفلك صرت معدوم الضمير
صرت متشبّع وخاين ما فرق عندي ضناي




صار لي شعار واحد ( كل فطيره ثمّ طير)
ويش ابي في حب ضايع ما يجيب الاّ عناي




صار يسكنّي برود وصارت اشواقي بغير
فاقد الإحساس ميّت مايحرّكني سواي




لا تقولي لي احبك صدقيني ما يصير
كلمة الحب بزمنا مثل شرب قلاص ماي




ما أبي اسمع كلامك وفري حكيك كثير
وان بكيتي دمعتينن امسحيها مو خطاي




الخطا إنك تحبي ما حسبتي للمصير
تحسبين اني اببقى دوم ما ينقص عطاي


=================
خـــــــــــــــــالـــــــــــــد منشــــــــــــار