[ابن روزه]

ياليتنـي قبـل أختـلط بالنـاس فتشـت القـلـوب
وعرفـت وش تخفـي ورى جدرانهـا وابوابـهـا



ماكـان حيـرّت القـدم فـي جرهديـات الـدروب
ولا ورطت الورطه اللـي مـا حسبـت أحسابهـا



صدق المظاهر تستر أعيـوب وتبيـن لـك عيـوب
كـم لبسـت أجسـاد نـاس ٍ فاضحتهـا أثيابـهـا



حاولت أنسى ما مضى واستغفـر لذنبـي واتـوب
لكن ذنوبـي مـا قـدرت أحيـا وأعيـش إلا بهـا



وآنا كما اللي ينقل الحيـات فـي وسـط الجيـوب
يسـري يلاعبهـا وسـم الغـدر بـيـن أنيابـاهـا



أنيابها من كل صوب وسمّهـا مـن كـل صـوب
لا جيـت بقطـع روسهـا لفـت علـي ّ أذنابـهـا


.