[الفقير الي ربه]

مجنون قالوها ونا صدق مجنون
مجنون والعالم تخاف المجانين




ماخاف من حكيٍ ولا زيف وظنون
مجنون عاقل راجحٍ لا تخافين




اوزن بلد والقول واضح وموزون
هرجي قليلٍ ماني مثل الكثيرين




اليا حكيت الكل حولي يسجّون
واليا سكت الكل يسأل كذا سين!




هم يحسبوني من مفارقك محزون
وآنا وربي ماحسبت الثعابين




يتقنّصوا الفرصه لاجل بك يفوزون
يتمنوا اهدابك وطلع البساتين




يحكون عني بالقفا ويتمادون
واليا حضرت الله يازينهم زين




ياما نصحتك خلي السر مكنون
وياما عذرتك لكن انتي تمادين




واليوم جيتي دمعتك لونها لون
وتعاتبيني من متى بي تحسين؟




كنّي انا الغلطان ولعهدنا آخون
تبيني ارضى وانتي الي تخونين




ماني بخسرانٍ ولاني بمديون
ربحان وانتي للخساير تعدين




روحي لأ يّا درب ياكبر ذا الكون
لاترجعي/طحتي/من القلب والعين




يابنت انا مجنون والله مجنون
والله ما ادمح لك خيانة مجانين

===========================================
ألشـــــــــــــــاعــــــــــــر خـــــــالـــــــــــــد بن منشـــــــــــار ألخــــــــــــزمــــــــــــري