[الفقير الي ربه]

نام دام النوم للظالم عباده
نومة اهل الكهف ياجعلك تنام




افترش ظلمك وخذ وهمك وساده
واندفن في ليل يجهله الظلام




كفّن احلامك وموت بلا شهاده
موت في حقدك عسى تغدي حطام




ودي آشوفك رفاتٍ مع رماده
ودي ابرد قلب ما بين العظام




غيب وارحل عن فضا قلبي وسهاده
ما أريدك خذها كلمه والسلام




كم دعيتك تشفي جروحي بضماده
كم تمنيتك تجي بلحظة وئام




أحترَق ذا الحب وتهاوت عماده
وانطفى نجمك وغطاه الركام




مات حبي ما تذوّقت السعاده
مثل طفلٍ مات ماينطق كلام




روح في دربك عسى تلقى النكاده
ابتعد عني نويت الإنتقام




انتهى كل شي واعلنا حداده
وابتدت فينا نهايات الغرام


===========================================
ألشـــــــــــــــاعـــــــــــــــر خــــــــــالــــــــــــــــــد منشـــــــــــــار ألخـــــــــــــــزمــــــــــــري