[الفقير الي ربه]

جذاب في كل شي تسويه جذاب
شف كيف متجمع حواليك أمه

هذا يبي كلمه وذا بالحكي ذاب
وذاك يرجي تلتفت بس يمه

واْنا أشهد إنه ما حواليك أحباب
كل ٍ يبي مالورد قطفه وشمه

ودام انت ملكي كيف أنا منك برتاب
وانتهْ غرامي وسط قلبك تضمه

خذ كل مافيني وما بيننا احساب
قلب الغلا والروح عينه وفمه

خذ كل ما لذ من فيّني وماطاب
خذ صالح وخل السعادة تلمه

ياللي جمالك سارق ٍ كل الالباب
دامك ملكت الزين خاله وعمه

معذور من شاهد عيونك والاهداب
تصيبه الكربه وتلفيه غمه

يروح/ يرجع لك ولا كنه انصاب
كنه دعت له بالمتاعيب أمه

هذاك للي من بعيدين واغراب
قلي شسوي وانت للقلب دمه !

بجيك واضمك واقول أنت جذاب
أظنها تكفي عن اعجاب أمه

============================================
ألشـــــــــــــــــــاعـــــــــــــــر صــــــــالـــــــــــح فـــــــارس ألخـــــــــــــــزمــــــــــــري