رد: ! ॐख़ख़ღديوانية بالخزمرღॐख़ख़
القوس
قرينا الرسايل ماعرفنا العناوين=عسى كاتب القصه يوضح كتابه
ولا ادري مودينا طريق العنا وين=عسانا نعود قبل ينصك بابه
صالح بن تويم
هلا مرحبا با اللي لفانا ملا يين = نشدنا عن الاخبار وابداء عتابه
قلوب ٍ قست وقلوب يا اخي ملايين = وباب الفتن والله ما جي عتابه
القوس
كلامك نسلم به على الراس والعين=ولكن تتعبني سلوم القرابه
حسبت اننا دون الحمى دوم راعين =وجتنا سواليف وفيها غرابه
بن تويم
انا شلت صوتي بسم ناسن مساكين = بعضهم يشيل الصوت ما حدن درابه
ولا اني بلا ذمه ولاني بلا دين = عرفنا قبيح القول واعرف صوابه
القوس
من اول تجاهلنا وذلحين صاحين=وباوصيك سدك لاتنثر زهابه
خذ العلم مني لاتطيع المغابين=وخلك على مبداك في كل غابه
بن تويم
إذا كان لك عندي مطالب ولك دين = نوفي ملازيمك ونوفي نصابه
انا خاطري ما سار خلف المجانين = و لي يا طويل العمر عزوه ولابه
القوس
انا يارفيقي ما طلبت المزابين=ولا شرهتي الا للذي ينعزى به
علومك تناسبني ولا منك جافين=ولكن ودي تحترس مالذيابه
بن تويم
وش انهي مطاليبك وانا اجيك ذلحين = ترى مثلكم نغليه ما ينسخى به
عرفنا العقارب كلها والثعابين = وسماً ظهر يا صاحبي وسط نابه
القوس
انا وانت يابن تويم في الدرب ماشين= وصقر البراري مرزقه من عقابه
ختام الكلام اهديك مسك الرياحين=ولاني مدور يارفيقي حرابه
بن تويم
ما دام انت وانا ناتنومس ووافين = فخل الذي ضميان يطرد سرابه
ابعطيك ورده راويه ما البساتين = وبسقيك شهداً ما يقدر حسابه
ـــــــــــــــــــــــــــــــــــــ
|