(( من لام قلبي ))
[align=center](( من لام قلبي ))[/align]
[poem=font="Traditional Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياشيخـة الزيـن قلبـي لا تلومينـه = من لام قلبي عساه يذوق مـن همّـه
كم له وهو في غيابـك مـا تطرينـه = ينثر شتاتـه علـى فرقـاك ويلمّـه
عطـاك وده هديـه فـوق كفيـنـه = وانتي تركتيه بيـن همومـه تزمّـه
هم ٍ يلوف الحشـا ويلـجّ ضلعينـه = وباقي همومه تموج الجسـم وتعمّـه
ياشينهـا للرجـل لادمعـت عيـنـه = باطراف خده ويمسحها علـى كمّـه
تصحى غبونـه ولا تهـدا شياطينـه = ويسجّ قافـه علـى فرقـاك ويخمّـه
وحده .. بوحده .. جزاتك يوم تجفينه = ذوقي غيـاب ٍ يعّـل القلـب ويغمّـه
عين ٍ .. بعين ٍ .. وكل ٍ مقتضي دينه = وآخر طلب بعدها .. وأبـري الذمّـه
سمّيه باسمه .. وباسمـي لاتسمينـه = خايف يجي يوم باسمي تكرهـه امـه[/poem]
[align=center]عســآف[/align]
ـــــــــــــــــــــــــــــــــــــ
|