[نسيم السروات]

هل تعلمون أني كنت أظن أن الهيصه والزنبليطة فقط عندنا في الرياض

أثاري كل المملكة مهيصة مثلنا

هل تعلمون أنا نشبنا في طريق الملك عبد الله ثلاث ساعات ولو ما خفنا من التصوير كان نزلنا نمشي على أرجولنا من الطفش

هل تعلمون أن بعض الشباب الله يهدية كل هياطه ورقصه مو عشان الوطن عشان يستهبل في الشوارع

هل تعلمون أني ما خرجت من البيت إلا كنت قاصدة ملاهي الحكير لاند ولكن مع الزحمة نشبنا في الطريق ومن الطفش

ديورنا على البيت وما رحنا الملاهي خفنا تكون الملاهي بعد زحمة وما نلاقي مكان نجلس فيه كانت ليلة خضراء وجميلة

هل تعلمون أنا أخذنا أمي معنا ضعيفه وبغت تدوخ علينا من الزحام والأصوات المزعجة بواري وأناشيد وطنية

كانت رائعة لكن أمي حساسة وتعبت وقالت وش أغداني أروح معكم يالمغزلة ليتني جلست في البيت أحسن لي هههههه فديتها ياناس


ومع ذلك هل تعلمون أنا أستأنسنا عشان الورطن وعشان الملك عبد الله ، حبيب الشعب عبدالله .

هل تعلمون أني شفت بنات ترقص رقص ياساتر قدام الله وخلقه ولو كنت قريبه منها لأدبتها بكلمتين حلوين .

هل تعلمون أني أحب بابا عبد الله وأحب الوطن حب كبير.

ياليت كل يوم عيد ويوم وطني وأفراح وعطلة وراتب مثل هذا الأسبوع الرائع >>>>> وحدة طماعة بالحيل .