ألم يصغَر أمل يكبر وحب(ن) ذاب .. وإتبخّر ! مِسا أدْبَر فجر يظهر وهو ماجا .. ولا شقّر ! نسى حبي وإخلاصي وعن درب الوفا .. وخّر ! وفاجئ صادق إحساسي يوم(ن) جاني يتعذر ! قسى أكثر ولا عبّر وعن أحبابه .. إتكبر ! عدا وعسّر وماقصر خذلني وغاب واتأخر ! رحل عني بلا إقناع وصافي حبنا .. عكّر ! مكانه في خفوقي باع وقلبي ع الهجر .. أجبر ! خسر قدره وحبي له وقلب(ن) .. بالغلا يشيله خسرني .. وياغناتي له أخاف عليه يتحسّر ! على ماضي أخذني له حياتي كنت أفدي له وقلب(ن) كان : منديله بأحزانه .. على ماذكر ! رحل وأدبر وما قدّر وكمْ من الغلا أهدر ! وانا مُجبر وما أقدر أضحي له ويستخسر ! أبرحل وابتعد عنّه واكتم شوقي وأصبر غسلت إيدي أنا منّه وماضي حبنا .. بقبر ! ولا بذكر أو اتكدّر أبنسى حبّه .. وأعبر ! تعبت أصبر وأستغفر أصوم اصوم .. ما أفطر ! أبمحي إسمه من راسي وبالأيام باستبشر وبترك قلبه القاسي مع الحسرات متعكّر ! بعيش العمر من دونه ولا بشتاق لعيونه أبرحل عن مدى كونه وابا اخليه يتذكر حبايب كانوا يفدونه على انفسهم يحبّونه محال إنهم يخونونه ورابط حبهم .. كسّر ! ألم يصغر أمل يكبر وأنا بكسب وما بخسر يكفّيني .. أعيش العمر بصادق نيتي ... أفخر !! خَالِد بن عِليْ زوروني بصفحتي على الفيسبوك !