[أبوعدي]

زهـــــران حنا لا قســـى الـــوقت زهـران ***** زهــران لا ضاقت عليك الوسيعــه

حنــــــا شـــــرارة حــق فــــــي كل ميدان ***** لطامت الغاوي ونـــاوي الفجيــعه

مـــانلتــــفت للــــــي تكلــــــم بنـقصـــــــان ***** و نعــرف بعضنا بالعقـول الرفيعه

وقت الشدايـــــــــد كلنا حــلف واخـــــوان ***** ومهما قســى فينا الزمن ما نطيعه

ومن دخـــل فــــي وجهنا وقت عــــــدوان ***** نــــــروح دونـــــه كلنـــا ما نبيعه

مكرمين الضيف مــــن مـــــــــــر الأزمــان ***** فـــــي مجلس الآجواد يلقى ربيعـه

احفاد من صاحب رسول عـــز الأديـــــــان ***** واسأل هل التوحيد واهل الشريعه

وان جيت وقت الحرب غلطــــان غلطــــــان ***** يااللي تعادي اهل السيوف البريعه

مـــن شبرقه اليـــن توصـــــــل لعجـــــــلان ***** اسـأل حصاها والحصون المنيعه

عن سالفة الاتراك ورجـــال زهـــــــــــــران ***** يوم انهم راحوا بليــا رجيعــــــه

جونا بشيطانن ولا قــــــــــو الـــــف شيطـان ***** وشيبنا وسط الترك حتى الرضيعه

حنــــــا رجـــــــــــال الأزد ياكــــــل ضميــــان ***** زبن الدخيـــــــل وحافظين الوديعه

رجالنا يمشــــــــــــي مع النــــــاس سلطان ***** وصغيرنا تلقاه راس الطليعـــــه

لا ما نخون العهــــد يا كـــــــــل خــــــوان ***** تـــــرى الوفا منا وفينا طبيعـــه

نحكم بشرع الله بعــــــــدلــــن وميـــــــزان ***** وما نشفع الا لواحدن له شفيعـــــه

ومواصل الأرحـــام خــــــــذناه عنــــــوان ***** ولا عـــــــــرفنا يوم معنا القطيعــه

ولا ننطق اية قول من غيـــــــر بــــــــرهان ***** ولا ما نحب اهل الذمام الوسيعــــه

والجار لو عيبه وســــــــــــــط عيننــــا بان ***** نستر عليــه ولو نشوف الفضيعه

واما انت يا للي تنظر بعين حقـــــــــــــران ***** ما ارد نفسي للنفوس الوضيعـــه

خذها نصيحه ولا تقل زلة الســـــــــــــــان ***** رح شوف جدك واسأله عن صنيعه

العلم جاك ولـــو كتبت الف ديــــــــــــوان ***** نبقى الشيوخ واهل العقول الرفيعه