[نسيم السروات]

اقتباس: المشاركة الأصلية كتبت بواسطة السرف      يارجال هي 35 الف راتب شهري ومليون ريال سنوياً لكل عضو لتحسين وضعه المعيشي من قال عندهم علوم في مجلس الشورى ....رجال ولا نساء منوّر بأعضائه ...شكراً

يعووووو ياكبدي منين جبت ذامعك الصابه يالسرف الله يقهره


بالله وش قلت يالسرف 35 الف راتب شهري ومليون ريال سنوياً لكل عضو لتحسين وضعه المعيشي

عز الله أني داخلة داخلة للمجلس حتى لو تحطون فيه عقارب وثعابين خل عني صراصير قال.

كلما شفت لي صرصار تذكرت الراتب والتحسين المعيشي ولزمت الأرض .


وذكرتني بحكاية عن الصراصير بأقول لكم موقف يضحك صار لي مع صرصور ملعون الله لا يوفقه .

ذهبنا في أحد الليالي باليل يعني ، عشان نشاهد فلة فخمة للبيع طلعوا أهلها منها ولا نظفوها خاصة المطبخ مليان

صراصير.

الفلة كانت رائعة وواسعة وفيها مطبخ مركب يأخذ العقل وأنا عاد أحب المطبخ الجميل ، المهم كانت معي أختي

طوق الياسمين الله يذكرها بالخير وأخي وصاحب مكتب العقار برى في الحوش وأحنا دخلنا نشوف الفلة

طلعنا ونزلنا وكل شوي أطل على مطبخ بقعا عاجبني قالت لي طوق شكلك تتحثلينها مع ذا الصراصير ولما طلعنا

عالصالة شفت طوق تطالع فوق رأسي وهي مرعوبه ولا ودها تخرعني لأنها تدري أني لو خرعت ما

أعرف أملك أعصابي اصارخ ، قالت لي بهدوء نسيم نسيم أصبري اصبري فيه صرصور أنا سمعتها تقول فيه

صرصور وتطالع على راسي من فوق عرفت أنه فوق رأسي اللعين وقمت أصرخ ورميت عبايتي والطرحة وكل

شئ من على رأسي ودخلت المقلط وقفلت على نفسي وكانت طوق مييييييته من الضحك علي وشكل أخي سمع صوتنا

ودخل لأنه كان يسولف مع الرجال برى سبق وشاف الفلة قبلنا . جلسوا يحاولون فيني أفتح الباب ويالله أني فتحت

قلي أخي نفضنا عبايتك مافيها ولا شئ أفتحي وألبسيها المهم أخذت العباية بعدما نفضها أخوي عدة مرات وهل تصدقون

أنه ما خرج إلا بعدما أخذتها من يد أخوي ونفضتها نفضه واحدة وخرج منها يجري على الأرض الخبيث الله ما أكبره

وجلست أبكي كيف ألبس عبايتي وكان فيها صرصور وتصبرت ولبستها وبعدها كرهت عبايتي منه .

وكانت ليلة ليلة فلم مرعب .

مشكور يالسرف على ضيفك المعفن عرفتوا خلاص نقطة ضعفنا يالنساء.

لكن اللي بتدخل مجلس الشورى لازم يكون قلبها جامد وتأخذ معها كيس مليان علب بف باف الأصلي

وتجلس بجانب منال الشريف واللي أسامينها خاشقجي مثل ماقال الأخ ناحت الصخروأسعد عمر قلي ومن هذا القبيل .

أقول الله يسمعنا خير وكان .