[جمرة غضى]

اقتباس: المشاركة الأصلية كتبت بواسطة ~ انثـــى ~      هو اكيد خطبني غيره كثيرررر لكن هذا انا وافقت عليه بالاول وتمت النظره وجلسنا سنين مخطوبين وانتشر هالشئ بين الناس بعدين صارت مشاكل كبيره ورفضته .. عشان كذا الناس ماتخلي احد بحالها الله يعين .. وبالفعل انا راح احط اي كلام يجرحني تحت ارجولي .. واحاول انسى جرحي القديم واشغل نفسي بالبحث عن عمل احسن من العطاله والتفكير والتحسس من الناس والله يسعدك ويخليك تاج على راس عيالك

شوفي ياعيني

لاتنظرين لكلام الناس اللي يحبطك بالعكس اللي يحبطك حطيه مثل الهرم ترتقين عليه للأعلى

والإيجابي من كلام الناس التفتي له ليزيدك ارتقاء ً

لو أخذنا مسار حياتنا بناء على كلام الناس صدقيني ماحنرضيهم بعد

والله لو تقولين يالله انتم خططوا لي حياتي بيخططون لك خطأ

لكن طالما أن الخطوبة والزواج نصيب مقدر من الله عز وجل ماللناس عليك كلمة

ترفضين الآن وأنتم على البر أفضل من إنك تتطلقين منه بعد كم سنه

ومعاك كم ولد وبنت ومشاكل أكبر وهموم أكبر صح والا لا

واللي بيرفض بس عشان إنها كانت مخطوبة صدقيني مايفهم نهائيا والتفكير عنده سطحي جدا

الآن الكثير تزوجوا بمطلقات طيب والمطلقة ماعاشت سنين مع واحد ثاني !!!

خلاص اللي انخطبت فترة ورفضت هي ببيت أهلها ولا طلعت معاه ولاهم يحزنون

انثى

بالنسبة للمكالمات بعد الخطوبة والملكة مانؤيد كثرتها

لأنها تسبب مشاكل بينهم وممكن مو الحين ممكن بعد الزواج

وممكن لاقدر الله بعد فترة يتطلقون قبل ليلة الزواج فالأفضل إنها ماتكلمه

بالنهاية الزواج والطلاق نصيب فرضه لله علينا لاتعلمي متى يكتبه الله لك