شفت وآنا جاي ناس ٍ بالشوارع يركضون = وابتديت اسأل لأن الوضع زايد فالغرابه
أثرهم شله من اهل البخل جدّوا يهربون = من كرم ربع العريس اليوم واهله والقرابه
حي هاك القوم بالتاريخ يومن يذكرون = الزهارين الكرم والعز وابناء الصحابه
من قديم العصر للشيمات دايم يبتدون = اسأل اللي هو مجربهم وإسألهم شبابه
مروعين الخصم باول صف هم دايم يجون = نار بوجيه العدا ولبعضهم هم خير لابه
ما تنسيهم عوايدهم وهم للخو عون = أشهد ان اللي نصاهم حقق مراده وجابه
جيت لك يا رياض هالليله واظن اني امون = قصدي آقدم تباريكي على قل الخطابه
ألف مبروك وعسى الفرحه بدنياكم تكون = من شروق الشمس لأقصى لليل ينهزنا غيابه
من يجيكم فرح هالليله كسب سعد العيون = ومن سرا من دون هالليله ترا حزنه سرابه
تاتراقص بالهنا جدة وتزها بالفنون = والبحر تتمايل امواجه مع السعد وسحابه
يا حضور الحفل يا جمهور ياللي تسمعون = يا نجوم الليل يا نسمات يا حرف وكتابه
اطربوا في هالمسا فرحه ابيكم تطربون = ودي افرح في زواج رياض زيدوني صبابه
==============================================
ألشــــــــــاعـــــــــــر صــــــــــــالــــــــــــــــح بن فــــــــــــــــــارس