رد: ! ॐख़ख़ღديوانية بالخزمرღॐख़ख़
الي مهاجرنا وقالوا سلى وتاب
وشبه قطع وصله ولا جاء عتابه
الي حلف وابطى وخلاني ارتاب
حتى القلم في البعد ملّ الكتابه
رسوم وده في خفوقي لها اوتاب
ماقد خبْت لو حل فصل الشتا به
ليته تجمل ماسمع قول مغتاب
كان الجوى ماسلّ سيف الرتابه
يشهدعلى ودي لهم باب واعتاب
ياملهم اشعاري عساك انت تابه
يمه شعوري بالهواجيس ينتاب
ذاسهم غالي شروته واكتتابه
يسوى الذهب لو شد له فوق الاقتاب
يوم ان عوده ماتشوف النتا به
قولوا لمن بالصمت والهجر يلتاب
ارفق على قلبٍ صدودك عتا به
قلبٍ على فرقاك بالوجد نتّاب
وش حيلتي في وقت شاب الفتى به
==============================================
ألشـــــــــــــــاعـــــــــــــــر فــــــــــــــــــــــــــلاح منشـــــــــــــــــار
ـــــــــــــــــــــــــــــــــــــ
|