رد: ! ॐख़ख़ღديوانية بالخزمرღॐख़ख़
أستغفر الله من ذنوبي والاوزان
ومن صروف الشعربين المتوني
الي بنيناها على فكر نشوان
نجاري اقلام الذي يعذلوني
ماهي حقيقه بس لتحريك الأشجان
بين السطور الي تمتع عيوني
نظمتها حسب الطلب دون نقصان
بافكار عاشق تختلف عن فنوني
لعيون من يقرا كتبنا بالاحزان
صرخات للكلمه على ماتروني
جتنا ردود الناس والطيب عنوان
حييت صادقهم ومن جاملوني
قالوا مشاعر حارقه ذاك طربان
مادققوا بالحرف بين الوكوني
ضاقت صدور البيض والبعض حيران
واحترت من ضدي ومن ذا يموني
والشاهد الله ماقصدنا الذي كان
هذا خيال أبليس بين اللحوني
يزين الشينه ليا طاع الإنسان
بين المهالك يورده والفتوني
الي بنوا للشر بالود بنيان
وش فايدة بنيانهم فهموني؟
لو انهم صاغوه للقرب ماهان
بنيان عالي بينه الفاظ هوني
كنت أحسب أن الفكر للناس سلوان
جاملتهم بالود ثم أن هجوني
من الخيال القافيه ساس واركان
قطوفها متدليه والغصوني
واليوم ماعد للهوى في ميدان
لاهل الوله باهدها صدقوني
أطلبك لي يالله من الذنب غفران
وادعيك ماغيرك تكون انت عوني
يارافع السموات من غير عمدان
يامنبت الحبات من كل لوني
يامنجي ابراهيم من لفح نيران
تهدي حبايبنا ولو عاتبوني
=============================================
فــــــــــــــــــــــــلاح ألخــــــــــــــــــزمــــــــــــــــــــــــري
ـــــــــــــــــــــــــــــــــــــ
|