(( جمعان )) .... ((يحرث )) الركيب .. ويحدا ورا الثيران ..:- انا هذا السنه حبيت البلاد . واشتريت الغرب والثور واقربت العداد . هرجوني بالشويش . قطبوا ثوري حبيش . كسر المقرنه قلت باكسر قرونه . احسب ان العيا في القرن واثر العيا في الجمجمه . يالالاله لالاله يالالاله ...... هرجوا ثوري حبيش . وبينما ...جمعان ...يلالي ورا الهوش وهو يعمل الركيب ... مر من عنده (( غرم الله )) .. غرم الله :- سلام عليكم ......... وعليكم السلام ورحمة الله .. يالله حيه .... ....... غرم الله ... يرد بغضب ... الله لا يحييك ..... غرم الله ... افا وانا ابوولدي ... هويه ياخه خير ان شا الله ... (( يوقف الثيران وفيده السبته )) ... ويتجه نحو غرم الله .. طرف الزبير .. جمعان ..... خير وذابك زيرك ينافح بالعصي .. غرم الله ... هويه تقطع الحماطه ذي جنب البيت .. جمعان ... الحماطه هذي اوذت الناس .. مدنيه فوق المسراب .. ماحد يعرف يمر منها ... وهذي حماط سندان .. حماطها ما ينذاق .. غرم الله ... سندان والا شيطان وش لك وش لها.. حماطه واصلها في ركيبي .... والله لوكنت حاضر يوم قطعتاها ... ليكن ربطتوك في الطلحه ........ ويحتدم النقاش ... وما كان من جمعان .. الا ان ضرب .. غرم الله بالسبته والتوت على رقبته وكادت تخنقه ... وفزع المضايه وفرعوا بين الاثنين .. وانفض الجمع .. وراح .. غرم الله .. ورقبته حمرتها من السبته ....... فهل سيقبل ... غرم الله بهذه الاهانه ... وكيف سيكون رده على .. جمعان ؟ مضت اشهر على المهاوشه ... وجمعان وغرم الله اصطلحا ... وكان شيئا لم يكن ...... تشاجر ... غرم الله مع زوجته ... لدرجة انه ضربها واوجعها ... وما كان منها الا ان ردت عليه بقولها (( سقا لله يومني مامعي سبته )) ........ فعرف ..غرم الله مغزا زوجته ..... لم ينم تلك الليله ..... فقد المته تلك الكلمه وطعنته في رجولته .... واخذ يفكر كيف ... يشفي غله في ..جمعان .... غرم الله ..... اهااااااااا .. ذالحين جا وقت الدياس .. وجا يومك يا حبيش ...... والله لاحرق قلبك يا جمعان على (( صبيح )) .. (( وحبيش )) ....... اغلى ما يملك ... جمعان ... الثيران ....... وفي اخر الليل ... بعد ما نامت كل عين .. خذ غرم الله ... شبريته .. ذي تروغ الما روغ ... وسرا على هوش ... جمعان .... تسلبا غرم الله ... الن وصل .. مراح الهوش .. ودخل ..عليها بدون ماحد يحس به .. فتح ثم حبيش .. وهو يحتش لسانه ... ومر على صبيح .. ويحتش لسانه ..هو الثاني ........... ويلقط نفسه مثل الداب من بين العوايد الن وصل بيته ....... وهو يتنفس من جوف قلبه .. ما كنه سلم ...... اذن الفجر ....... قام ..جمعان ..توضا .. وهو نازل من .. العاليه .. ويمر من جنب المراح ويسمع ... طحيش الثيران ... عود مثل البرق .. قومي يامره قومي ... يالله صباح خير وذا بك خير ان شا الله ...... الثيران .. مدري وش بها .. وين القازه ؟ ... يولع القازه .. ويندر والجنبيه في ايده .... يفتح على الهوش .. واذا كل واحد منسدح في حده ... ودمها يذري .. .. ابو ولدي .. وش بالهوش ؟ لقصت ؟؟ ... امسكي يا مخلوقه القازه ...... افاااااااا وانا ابو فلان ...... الهوش ... لسنت يا مره .... قطع الله غير ايدي ... مرته .......... ايش وذا تقل ؟ ...... يا غبن بطني عليك يا ثيراننا .... الله لمن لسنها ياهبها في نحره دعوتي وانا ادعيه ورجاي وانا ارجيه .. وهي تذرف الدموع .... جمعان :- ها خليها ولا تقربينها ... خليها لين اجيب الجماعه ونشوف وش الدبره .... راح .. جمعان صلى الفجر ... وبعد الصلاه ... يخبر الجماعه بالخبر ... وينط .. العريفه ... ايش يالرخمه .. هويه وين كنت يالراقد ... اعقب وانا ابو فلان ان كان سروا الرجاجيل على ثيرانك وانت راقد ..... راحوا الجماعه كلهم لبيت ... جمعان ... .. وصاح العريفه ... قوام ذكوا الثيران ... وبالفعل ذكوها ... ذبحوها ... وتوزعوا لحمها ........ وهم يرددون ... الله يعوض عليك يا جمعان ...... العريفه :- وشن تشك فيه يا جمعان ... جمعان ... انا ابرا لله ... ما بيني وبين جماعتي الا كل خير .. لكن قلوا يالله ... قالوا يالله .... يالله ..يالله .....يالله ...يالله ... لمن فعل هذا بحلالي ينتقم لي منه ويا هبها وسط نحره ....... قالوا كلهم ..آآآآآمين ......... واخذ كل واحد لحمته وراح بيته ... وجمعان ... احتسب ذلك عند الله ... والله على كل شيئ شهيد ....