رد: ! ॐख़ख़ღديوانية بالخزمرღॐख़ख़
ماغاب نجم اسهيل والبدر ماغاب
احساسنا الي صار خافت ومقهور
صارت نجوم الفن تسكن بالالباب
وسهيل متواري ومن حوله بحور
نجومنا من طين مانورت باب
والكون فيه نجوم ماتخلف الدور
يانجم في كبد السماء سرت باحساب
والا نجوم الارض من بور في بور
كم نجم مات وماعرفنا له اسباب
وكم نجم عايش ماينور وموتور
يانجم انا من هجر الاحباب منصاب
يجوع نمر وذيب والفارس الثور
يانجم صار الشعر يعوي بالاعطاب
واحد ينادي الجن والثاني يخور
واحد تقل طاووس ريشه من اخشاب
اكيد لو صدفه لقيتاه مطيور
والثاني اشوفه في الناس مرتاب
والبعض عايش في زمان ابن منصور
يتسابق الشعار للمال باسهاب
والكلمه صارت كنها علك مجرور
مابه جديد الا الغثاء يبغي القاب
عصيد من خرمان ينشب في الزور
الشعر ماهو سلعةٍ بين الاحزاب
الشعر نبض احساس ياكل مبهور
الشعر يوصل موعظه بين الانجاب
ويحل الاشكالات ويبين محضور
الشعر حاجة روح ماهي لمغتاب
والشعر فكر ونورلو لامس الطور
الشعر يوصل فكر راقي وسلاب
الى العقول الي بها يفتل الشور
والشعر مرسول الهوى بين الاحباب
والشعر كم عالج في الناس محسور
الشعر سيفٍ مايققف دونه حجاب
سحر الكلام الشعر والقول مقفور
بين الفضائيات ياقل الاقطاب
يتوه نظم الجزل في بحر مسجور
ناظرت في الموجود مليت الاطناب
بعض القصايد كنها عظم منخور
اكيد به شعار عالين الارتاب
ماينكر اهل المعرفه غير مغرور
لكن صاب الناس بالنفس الاعجاب
كلٌ يرى نفسه في الشعر ناطور
بلي بحب الشهره شيبان وشباب
غث السمين وصرت ياخوان معذور
ماننكر المجهود في بعظه اطراب
لمسات فنيه بها يظهر اقصور
هذا الصحيح ومانفع طب الاعشاب
علة قوافي الشعر من حولها سور
ياهل المشاعر هاجسي جا له عتاب
ماظن يخفا عنكم اليوم مخبور
القافيه تشكي من انكار الاصحاب
يحكم عليها بالردى وعد بلفور
قلت اتركيني واتبعي كل جلاب
الي يبيعك بارخص اثمان ويجور
قالت ابد مابيع حبك ولي طاب
قربك فتكفى لايبدلنك الحور
قلت ابشري حبك مريح للاعصاب
ماحب غيرك فانتي الورد منثور
=============================================
ألشـــــــــــــــــــــــاعــــــــــــــــر فـــــــــــــــــلاح
ـــــــــــــــــــــــــــــــــــــ
|