[عبدالمجيد العدواني]

اقتباس: المشاركة الأصلية كتبت بواسطة طلال أبو ألين      اكرر الترحيب فيك مرة اخرى الله يبقيك ويسلمك س موقف طريف مر عليك وموقف حزين المواقف الطريفه كثيره ولكن خذ هذا الموقف ايام العزوبيه كان جيراني شباب زهارين في شقه ومقابله لهم شباب عساريه وكنا دائما مع بعض سهراتنا وجلساتنا وفي يوم جاني واحد من الزهارين الظهر وقال ضيعت مفتاح الشقه ورحت انا وياه ندوره وما لقيناه فجيت انا امزح عليه قلت يا ولد ترى مفتاحك معي قال بالله قلت ايه واطلع مفتاح قديم معي لباب معنا في الديره وادخل المفتاح ويفتح الباب انا ما صدقت قال هو بالله وين لقيته هاته هاته قلت اقول انقلع والله ما هو مفتاحك المهم بعدين لقى المفتاح واقتنع فجيت اعلم اخوياي العساريه بالسالفه ما صدقو واقوم اجرب في بابهم وافتحه بنفس المفتاح وهاتك ضحك فصرت اهددهم بالمفتاح الين ما غيرو كوالينهم اما المواقف الحزينه الله لا يجيبها فهي برضه كثيره بصفت عملي في المستشفى وأكثر ما يأثر فيني لا شفت الرجال يبكي على احد اقربائه لمن تقول شكرا لخادم الحرمين الشريفين الملك عبدالله اسف لكل من أخطأت في حقه يوم من الأيام حسافة لنادي النصر اللي ابطينا وحنا نبي بطوله بعد ما كان كل عام بطوله بطولتين خسارة على السنتين اللي سقطت فيها في المتوسط والثنوي ابشر لأبوي لا لا للمخدرات هههههههه كفاية لكل مقصر في صلاته وينك لصلاح الدين الأيوبي ابعد لالحزن ثلاث وردات لمن تهديها الاولى / لابوي الثنيه / لأمي الثالثه / لزوجتي نصيحة توجهها لمن في المجلس من مشرفين واعضاء اوجهها لمن هو سيكون اول واحد توجهون له دعوه بأن يكون ضيفاً لضيف وحوار واقول له لا تتردد وخلنا نتعرف عليك تقبل تحياتي واعجابي تسلم يا غالي ونبغى قصيدة من القصائد المقربة الى قلبك

هذيك
يــا صــاحبي لا تلـــوم لنفس لا ضــاقت
ما ضـــاقت الا من الدنيــــا ومن نـاسها

اللي لـــي العــــام اروقـهـــــــا ولا راقت
تقــول كنـــي اصــب الســم في كـــاسها

وهذيـك شفهـــا بعينـــي كل مـــا فـــاقت
في دمعهـا في محــاجرهــــا وبنعـــاسها

شفهــا بصمتي ولون الوجه وارهــــاقت
الخـــطــوه اللــي تــودينـــي لجــــلاسها

هي نفسهـا جت تمسكن ليـن مـــا بــاقت
قلبي وانا احسب ظلوعي صلبه اقواسها

واصبحت مبيوق وظروف الزمن سـاقت
حظي معـــاهــا ونـا ماني من اجــناسها

أصب دمــي لهــــا وتـقــول مــــــا ذاقت
تجحد طعوني وترحل مــا التفت راسـها

وتغيب باليوم واليــومين مـــا اشتــاقت
يا كبر جرح الغيــاب ويــا كبر بــــاسها

مرات اشوف الغلى والحـب واشــــراقت
البسمه اللي زعلــــها عجـــل وحــاسها

ومرات اشوف الشقى والهجر والبـــاقت
الخـــــاينه يــوم تتـــوسد على افلاسهــا

مــا باقي الا المشاعر عــاد مــا عــــاقت
ومـــا باقي الا الكرامه تجـرح احسـاسها

يا صـــاحب خـــلنـي للضيق وحمــــاقت
العشره اللــــي حمـــاقتهـــا حطب فاسها

والا البشر خلهـــــــا للمـوت لا ضـــاقت
الناس ما عاد تتحمــــل خطـــا انفــاسها

عبدالمجيد العدواني