رد: ! ॐख़ख़ღديوانية بالخزمرღॐख़ख़
الشبابيك
ياقلب من جرح الهوى ليش تبكي
حلفت بين الناس ياقلب لاشكيك
خابرك قاسي وان شكى الغير تحكي
واليوم أشوفك بين لوعه وتشكيك
ذكرتني ساعات بالطيب تزكي
بين الورود الي عبقها يسليك
زمان يوم الكون بالحب ملكي
أهوى عيون العشق خلف الشبابيك
ياعذق كادي بين قطفات بركي
منك الهوى منساب مافيه تلكيك
ياعود هندي ياعسل نحل تركي
يازهر في جيحون واطراف بشكيك
بكى لي الكيبورد من لسعة الكي
يوم افتكرت أشيالهم والجراجيك
جافيتهم ياقلب واقبلت تذكي
نار المشاعر بين لهفه وتكتيك
ماعذرك ياقلبي ولو شفت ضنكي
حول الجمال أن ملت ماني مزكيك
لك سابقه بين المراعي وفتكي
يومك تكدر من جهالتك صافيك
صغت المشاعر وانت خالفت حبكي
حرّمت ماطيعك ولو ملت لالويك
انت السبب بالهجر وارضاك سفكي
والحين تبغاني بغّيك أداريك
وراك ماطاوعت من قبل سبكي
تقول هذي من دروب الصعاليك
ياقلب هذا الشوق للجرح ينكي
كلما ذكرته زار قهره تماتيك
ماعاد لك بالحب ياقلب شركي
ولّى غرامك من زمان المماليك
=================================
فــــــــــــــــــــــــــلاح ألخــــزمـــــــــــــــري
ـــــــــــــــــــــــــــــــــــــ
|