[العرنين]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ما بين شحك ما وتشويقك سحاب=الجذع عاري ما لقا ما يستره
تفتح لك جذور العطش عشرين باب=افواه صمتٍ تستغيثك في شره
صوت الرياح يتمتم ابعض العتاب=وانتي سكوتك مثل ما كنت اذكره
في كبرياءه فصل ثاني للخطاب=مع كبر غيه ما يدور مغفره
تداعبين برقصتك خوف الشعاب =لحظة تبارين الظرم والعرعره
وتلثمين برقتك جل القصاب= في عتمتك كن السما مستمطره
ياهو تعب حلم الثرى هذا العذاب =حتى استباح الشوك قوته وانكره
لوتنشدين لقصة اوجاعك خضاب= لقيتي لهمك بجوفه محبره
واليا تلعثمتي في اعذار الغياب= هاك اقري اعذارك بظلمة محجره
متى استعار البرد صوره للسراب= يبكي على نفسه ويندب مظهره
يشوف له صوره على صدر التراب= وجهٍ عبوس وضحكة مستنكره
اوما بسالفته على باقي الخراب = باب وعسيب ومنجلين ومقبره
ماتسمعينه همس بسطور الكتاب= اللي كتبه الخوف يوم استعمره
هذي جيوشك دوم ما تحسب حساب = غزت شقوق العمر شحٍ يغمره
على امل في يغشاك الرباب = اشوف عرنينك تجلى مرمره
اخذ من انفاسك لقابلته زهاب= استرجع الماضي وعود يعمره
مع هاجس اطيافك بتخفيف المصاب =ماعاد همه ما انكسر من يجبره
وانتي بشحك ما وتشويقك سحاب= عريتي الجرح ونسى وش يستره[/poem]