[ماجد علي]

يـامـاحـلـى الـطـيــب والــبــراد والــدلــه = فـي مجلسـن ماتحوفـه بعـض الأنذالـي
فــي مجلـسـن كــل مــن يبـغـاه يـدلــه = مجلس هـل الطيـب ولـي صيتهـم عالـي
نـاسـن لـهـا مجلـسـن باالطـيـب تحـتـلـه = مافيـهـم الـلـي عــن الـعـربـان متـعـالـي
أحـــدن تـمـيـز بـشـعـره وأبـتــدى هـلــه = وأحــدن علـومـه لـهـا فاالقـلـب مـنـزالـي
وأحـــدن تـقــدم بـلـغـزه منـتـظـر حــلــه = وأحدن ضـرب مـن جميـع انـواع الأمثالـي
مجلسهـم انــا اشـهـد إنــه يـبـري العـلـه = غالـيـن والـلـي يجيـهـم واحـــدن غـالــي
الــكــذب مابـيـنـهـم مــأحـــدن بـيـنـزلــه = الـكـل منـهـم صـــدق بـاالـقـول لاقـالــي
ولامنهـم الـلـي سخـيـف الـهـرج نهجـلـه = كـلامـهــم مـايـجـيـك أيــكـــدر الـبــالــي
الطيـب الـلـي كـلامـه جــاك فــي حـلـه = يــازن كـلامـه قـبـل مــن فـمـه ينقـالـي
المـجـلـس الـزيــن ماتـقـبـل بـــه الـزلــه = والــزل لامايـجـي مـــن نـــاس عـقـالـي
يـجـيـك مـــن وأحـــدن بـأفـكـار مخـتـلـه = ضـارن علـى جلسـتـه مابـيـن الأحثـالـي
ماشـام نفسـه عـن اللـي باالخـنـاء ذلــه = يمشي مع اللي شغوف بشين الأعمالي
الـرجــل لوتجـهـلـه تـعـرفـه مـــن خـلــه = إن كان جاهـل مشـى مـع نـاس جهالـي
وأحـدن بمشيـه تــرى يـرتـاع مــن ظـلـه = وبعـض العـرب باالشجاعـه مالـه أمثالـي
وأقـول قولـي عسـاه ايكـون فــي حـلـه = ممـا طرالـي كتـبـت الـلـي عـلـى بـالـي