[ابن روزه]

تدري وش اكبر جرح في عمر الإنسان؟؟
انّـه يشـوف مـن الرفيـق الخيـانـه

يعني تخّيل شخص فـي حكـم الأخـوان
واكبـر بعـد لـو قلـت قـدر ومكانـه

تعطيه دم الجوف مـع شـوف الأعيـان
ويجـزاك سـم أيـام وقـتـك لعـانـه

الرمح مـن جسـاس لكليـب نقصـان
حتى لـو انّـه فـوق صهـوة حصانـه

طعنـة ظهـر لكليـب تبقـى للازمـان
وش عاد مـات كليـب واقفـى زمانـه

اقسـم بربـي طعنـة الظهـر نكـران
تمـوت معـهـا يالقـلـوب الأمـانـه

تخيـل اقـرب شخـص تغليـه خـوّان
ينهـش غيابـك يامصيـبـة لسـانـه

وتحتار ليـه يصيـر لـك كـل ماكـان
يا شيـن وقتـك يـا عـذاب امتحانـه

دامك لفيـت بطيـب ماجيـت حقـران
وخاويت طيـب رجـال عـز ورزانـه

ليـه الخـوي يجـزاك كـذبٍ وبهتـان
وعـلامْ يـرخـي للنميـمـه عنـانـه

حيره بقت بالقلب مـن غيـر عنـوان
تاهـت اجابـات الـسـؤال ورهـانـه

حتى اكتشفت أسبـاب طعنـات الأمتـان
والـي نبـش خافـي دفينـه وبـانـه

غيره !!لأنـك عالـي الجـاه والشـان
يحسب علـوّك فـوق!! سبـة طمانـه

ادمح خطا الزله كـذا طيـب واحسـان
ولاضاق صدري قمـت أوسّـع بطانـه

لين الخطـا عـدا علـى حـد الامكـان
ولاعـاد فينـي حيـل صبـر وميانـه

عرفت معها كـم وكـم كنـت غلطـان
بانـت حقيقـه مـن حسبتـه تكـانـه

بانـت خوافـي مـن هقيتـه كحيـلان
هقـوه وخابـت ياحسـافـة ظمـانـه

واليـوم ياصبـري لفيـتـك مسـيـان
وكلي طعون كليب مـن شخـص خانـه

معـاد فينـي حيـل يقـوى لكتمـان
مـادام شفـت مـن الرفيـق الخيانـه