ماابـي قلـم..لا ولا محتـاج للمحبـرة..
قصيدتي حبرهـا دمـي ودمّـي غزيـر.
والشعر اذا مايجـي كالغيمـة الممطـرة.
مااكون شاعر ..انا باكون (بايع شعيـر)!
يابدر ..بأنبش لك المدفـون واستحضـره
ومانيب نادم على ماصار واللي بيصيـر..
يوم ارتكـب ذنـب ماغيـر الله استغفـره
مااستغفر الناس ..لا لا لا..ولا اطلب امير.
ياكثر الأخطا وهذا العمر يا ما اقصـره..
شويّ اذا قلتّ بـأن آثـام عمري-كثيـر!.
ورغم ذا ..ماارتعد من طـاري المقبـرة !
ابدا ولا اهتز لامن حد طرى لي \"السعير\"!
يابدر مانـي بصاحـب نفـس متكبّـرة..
ابدا ولا اظهر امام النـاس كنّـي كبيـر !
وش ذنب الانسان والشيطـان مستعمـره؟
يمديك يابدر (تنسى هالسـؤال الخطيـر).
ودام ابـن آدم..خلـقـه الله ماخـيّـره..
حدد سنينه ومقسومه وحتـى المصيـر ..
مافي يـدي غيـر اناجـي الله واكبّـره..
ويبقى هو الله..وابقى عبد صاغر حقيـر !
يبيني اغلط واجـي واستجـدي المغفـرة..
يبني اذنب وامدّ ايـدي (ذليـل\"ن\" فقيـر).
وهذا انا اخطي واعوّد واطلـب المعـذرة.
من خالق الناس لأنـه بالخوافـي خبيـر .
ثم ألحق اللي ظلمته بالخطـا وانصـره..
واكون انا الخصم ..ثم ّ آكون انا له نصير.
يابدر من كان له حقِِِ(ن) ..فـرح بشّـره.
خلّه يجينـي ويلقـى يابـدر كـل خيـر
يابدر انا اثنين ..(شيطانٍ ..به البختـره)!
وإنسان له لحيّـة كثّـة وثوبـه قصيـر!
وابليس إلامن دخل بإنسان مـن خنصـره
يصير هو قايد الانسان ..وهـو الوزيـر!
والله لـو ألقـاه هالشيطـان لأكسـره...
لكنـه ابليـس (ينشبنـا ) وثمّـن يطيـر!
========================================
عبـــــــــــــدألله ألخـــــــــــــــــزمـــــــــــــــــــري