[سعيد الكناني]

ببالغ الأسى والحزن
ننعى خادم الحرمين الشريفين الملك عبدالله بن عبدالعزيز آل سعود والاسرة المالكة والشعب السعودي
في وفاة المغفور له بإذن الله ولي عهده الأمين صاحب السمو الملكي الأميرسلطان بن عبدالعزيز آل سعود
سائلين المولى عز وجل ان يتغمده بواسع رحمته ومغفرته وأن يسكنه فسيح جناته،
وأن يجزيه خير الجزاء لما قدمه لدينه ووطنه

[poem=font="Times New Roman,7,darkred,bold,normal" bkcolor="transparent" bkimage="backgrounds/17.gif" border="double,7,darkred" type=2 line=0 align=center use=ex num="0,black""] يالله يامنزل تبارك وياسين=ياواسع الرحمه ومنشي الرعايد
ياخالق ابن آدم من الماء والطين=ياقابض أرواح ٍ ومحيي رمايد
ندعيك ياللي لك على الدوم داعيين=ياملتجانا فالرخا والشدايد
ترحم ولي العهد سيد السلاطين=وتغفر ذنوبه ياصدوق الوعايد
وتلحقْه بالغر الكرام الميامين=في جنة الفردوس معْ كل بايد
والموت حق وكلنا فيه ماضيين=ولا احدٍ سلم منه قريبٍ ونايد
وياعين لا تبكينه اليوم ياعين=والله ماضنّي البكا فيه فايد
كفّي دموعك طالبك لاتهليّن=وادعي معي ربٍّ له الخلق عايد
الله يرحم كل من مات ويعين=من يشتكي فرقاه دمعه مدايد
هذه الحياه الناس فيها مساجين=وكل مخلوق(ن) مصيره لحايد
هنيّ من فيها سلك سكة الدين=واخلص لرب الكون صبح وهجايد
واصبح يصلي الفجرضمن المصلين=وامسى يصلي الوتر بالخير زايد
واخفض جناح الذل والعطف واللين=للوالدين اللي ربووه ابودايد
واطعم من امواله فقارى مساكين=وامضى الحياه (ا)بدعوة الله رايد
واختماها صلاة ربي ملايييين=على نبيٍّ وحّد اهل العقايد
[/poem]