[ابن روزه]

اقتباس: المشاركة الأصلية كتبت بواسطة عساف      هههههه مرة واحد زهراني صاحبي جلس في مجلس وكان فيه شخص بدوي يسولف و يسرد ويمدح في جماله ونياقه (الأبل حقته) قال خوينا الزهراني يا رجّال فكنا منها كلها حيوانات جمل(ن) وإلا ديكة البدو عصب وبغي يذبح صديقي يقول لا تقول للأبل حيوانات هذي عطايا الله هذي الجيش هذي ما تجي الإ بالأحمرين البدوي بعدها زعل ولا عااد كلم هذا الشخص الذي يقول ان الجمل حيوان ههههههههه

حلوه الجمل ماهو حيوان

على طاري البدو والبعارين مرة كنا في مجلس وكان فيه من زملانا بدوي مزوح تقاعد الله يستر عليه المهم قلت له يا ابو فللان لو جاك ضيف عزيز وعندك قعود وحسيل وش تذبح له قال ما يبي لها كلام اكيد القعود اصلا عيب عندنا تقدم لضيفك حسيل قلت اما انا بذبح له الحسيل قال افا يا ذا العلم وش ذا الكلام والله ما توقعتها منك قلت تدري ان فيه رجال اطلق مني ومنك ومن الحاضرين قدم لضيوفه حسيل قال قل غيرها قلت نعم وضيوفه اطلق من ضيوفي وضيوفك ومذكور في القران قال وبعد من هو ذا قلت له وللحاضرين انه ابو الانبياء ابراهيم الخليل عليه السلام وضيوفه هم الملائكه الرجال سكت وما عاد رد