على طاري نقل مجلس ابوعبدالله إلى المنتـدى العام
تذكرت سالفتين تحكي نفس النتيجة
وسوف اسردها لكم سريع سريع وبكلام المثقفين ( في عجالة من أمري )
أول قصة > الحساوي وجمله
والثانية اليامي وجمله
هذا جليس لي اسمه ( ع . الشدوي ) أخبرني بقصة الحساوي مع الجمل
يقول اخبرنا احد جماعة المسجد من أهل الحسا يقيم في محافظة الأحساء ، بانه شرى له حوار ( صغير الجمل ) من احد البدو
حوار عمره أسابيع وشاله بالونيت مدري بشنطة الكابرس
وعلى البيت ، ومن حرصه عليه وولع أولاده بالحوار
طلعه في السطوح ويمكن الحوش صغير او معدوم
المهم قام خوينا الحساوي يتعهد الحوار بالحليب و الجت (القضب)
وبقايا المشبوس (الكبسة ) عاااد الحساويات شاطرات في الشغلات
هذي عشان كذا حالات الدبغ والطلاق عندهم قليلة هههه
الحوار صار حاشي ثم قعود ...
اخيرا وبعد سنة ويمكن زود صار الحوار بعـــير 
يعيش فوق البيت و لا تسمع إلا هديره
والحساوية (جمع حساوي ) إذا جاء العصر كشتوا عند جملهم
بالشاهي و الفصفص ،
ولكن المصيبة الجمل اسمه سفينة الصحراء يعني يحب رياضة المشي ،
فصار ماله شغله إلا يهابد ويمتر السطوح في الضحى وأخر الليل ،
البيت قديم واعتقد ماله قواعد
الحساوي خاااف البيت يروح في رجلها بخبطة من رجل البعير
حااول يفهم البعير بان في البيت أرواح و أطفال
كل ما سمعوا صوت بحلقوا للسقف لا يحّضر فوق روؤسهم
الجمل ما فهم السالفة ،
يقول لي صاحبي الشدوي قلنا للحساوي في عرض السالفة
جب لك ونش من الكبار ونزل المزيون من السطوح
قال الحساوي : الشارع ضيق بالحيل والحارة اصلاً مخططه
للسياكل و عربات الجر (قاري + عربجي ) حمار يجر عربة
وبعد تفكير وتردد
راح وهو يهلها اربع اربع
ويجيب له جزار وكم مساعد له ويجزرون (ينحرون )سمحاان (الجمل )
فوق السطوح ويقطعونه ذيك القطع الكبار ،
والصغار عاااد مدري هم اخذوه الجزارين وباعوا لحمه ولواني اشك
وإلا وزعه خوينا الحساوي على اقاربه والباقي في الفريز
هذا مجلس ابوعبدالله ذكرني بسالفة الحوار اللي كبر وصار عملاق المواضيع في منتدى زهران وعلى مستوى كل المنتديات
والأقسام بجهد وحسن اختيارات الأخوين الكرام
الفقير الى ربه ابو عبدالله
والأخ بن روزه ابوعبدالمجيد
اقووول جنوبي تشلعت وان اكتب لكم القصة
وفي اقرب فرصة ابشروا بسالفة جمل صبي يام
عاااد صبي يام كان عايش في الثقبة
ـــــــــــــــــــــــ
محبكم
عساااااف